– Xiva shahridagi 121-Nurli Maskan ko‘zi ojizlar maktab-internatida bizning Super Start platformamiz orqali ingliz tilini o‘rganayotgan o‘quvchilar bilan uchrashdik. Ustoz O‘ktam aka rahbarligida bu farzandlar cheklovlariga qaramay, katta orzular bilan til o‘rganmoqda.

🎁 Ularga 50 ta Super Start GOLD kartalari va Rustam Qoriyev ingliz tili kitob to‘plamlari sovg‘a qilindi.

💡 Eng quvonchli yangilik – ko‘zi ojizlar uchun maxsus ovozli ta’lim platformasini yaratish bo‘yicha ish boshlandi.

Ko‘rish qobiliyati cheklangan bo‘lishi – orzular cheklangan degani emas. Ilm – har bir inson uchun!

🔵 Telegram | 🟥 Instagram
🟦 Facebook | 🔴 YouTube

Hayotimizda tug‘iladigan har bir g‘oya bu shunchaki fikr emas, taqdir tomonidan berilgan imkoniyatdir. Uni ichimizda saqlab qolish emas, unga namoyon bo‘lish uchun imkon berish kerak. Chunki:

✅ Agar g‘oya foydali va to‘g‘ri bo‘lsa – u amalga oshadi, natija beradi. Sizning hayotingizda yangilik boshlanadi.

❌ Agar g‘oya to‘g‘ri bo‘lmasa – siz uni sinab ko‘rganingiz uchun vijdoningiz pok bo‘ladi, vaqt va resurslarni katta yo‘qotishdan saqlanasiz.

Demak, g‘oyaga imkon berish – bu ham yutuq, ham himoya. Bir tomondan muvaffaqiyatga olib boradi, ikkinchi tomondan keraksiz yo‘lni o‘z vaqtida to‘xtatib, sizni katta mag‘lubiyatdan asraydi.

⸻

🚀 Bu fikr qayerdan?

Men hozir “Venture zehniyati” kitobini chuqur o‘rganmoqdaman. Bu kitob dunyoning eng katta kompaniyalarini yarata olgan insonlarning fikrlash tizimiga asoslangan. Ularning eng birinchi qoidasida aynan shunday yozilgan:

“G‘oya hech qachon qog‘ozda baholanmaydi, u bozorga chiqarilib sinovdan o‘tkaziladi.”

Yaratiladigan har qanday katta biznes, ilmiy kashfiyot yoki innovatsiya – aynan g‘oyani sinashdan boshlanadi. Men ham ushbu bilimlarni sizlarga eng foydali, amaliy va sodda shaklda yetkazishga qaror qildim.


✅ Savol: Siz bugun tug‘ilgan qaysi g‘oyaga imkon berasiz?

📝 Izohlarda yozing – balki aynan sizning g‘oyangiz kelajakdagi katta o‘zgarishning boshlanishidir.