#якшанба_оила_куни

Оила — инсоннинг биринчи ва энг таъсирчан “мадрасаси”. Боланинг илк калимаси, илк одоби ва илк ҳиссиёти ҳам аввало оилада шаклланади. Шу боис маданият, қадрият, тил, урф-одат ва ҳатто эътиқодларнинг авлоддан авлодга узлуксиз ўтиши айнан оила муҳитида амалга ошади.

Албатта, мактаб ҳам, жамият ҳам, давлат ҳам бу масаоала катта роль ўйнайди. Масалан, мактаб билим берса, жамият кўникма ва одатларни мустаҳкамлайди, давлат эса қонун ва тартиб орқали йўналиш кўрсатади. Лекин бу таъсирлар кўпинча вақт ва макон билан чекланган бўлади.

Оиланинг таъсири эса ҳар кунлик ҳаётда, табиий равишда, ҳатто беихтиёр равишда намоён бўлади. Масалан, бола ростгўйлик китобдан кўра ота-онасидан, уларнинг кундалик муомаласидан ўрганади. Ёки меҳр-шафқатни дарсда эмас, онасининг кексаларга — бобо-бувисига хизматидан ҳис қилади.

Шунинг учун тарих билан келажакни боғлайдиган энг ишончли восита — бу оиладир. Ҳеч қандай ғоя, ҳаракат ёки куч оилачалик узлуксиз, самарали ва чуқур тарбияни бера олмайди.

Истеъмолчи жамият янгича ғояларни ўргатиши мумкин, мактаблар замонавий билимлар беришга мумкин. Лекин болага ўзини ким деб билишини, ўзлигини, қайси қадриятларга суянишини ва қайси маданият билан ифтихор туйишини сингдирадиган жой оиладир.

Ҳой илмга чанқоқ ёшлар, йигит ва қизлар! Ҳеч бир режангизни оилага қарши тузманг!

👉 Обуна бўлинг - @ibroxim_xodjiyev