🟦🟦🟦
Oʻzbekiston Respublikasi Davlat bayrogʻi qabul qilingan kun bilan barchangizni samimiy muborakbod etamiz!

Bu mamlakatimiz gʻururi, mustaqilligi va birdamligining ramzi, shuningdek, boy tariximiz va kelajakka boʻlgan ulkan maqsadlarimiz ifodasidir.

Bayrogʻimizdagi ranglar tinchlik, poklik, istiqlol va yurtga sadoqat timsolidir. U bizni birlashtiradi, ruhlantiradi va kelajakka ishonch bilan qarashga undaydi.

Shu muborak kunda yurtimiz tinch, osmonimiz musaffo, bayrogʻimiz doim baland boʻlsin! Har bir xonadonga fayz-u baraka, har bir yurtdoshimizga kuch-gʻayrat tilaymiz.

🏥 Respublika tez tibbiy yordam markazi

🟦🟦🟦🟦
Tibbiyot xodimining qonuniy tibbiy faoliyatiga toʻsqinlik qilish yoki shu maqsadda tibbiyot xodimiga qonunga xilof ravishda har qanday shaklda taʼsir oʻtkazish borasida Oʻzbekiston Respublikasining Maʼmuriy javobgarlik toʻgʻrisidagi kodeksining 197(7)-moddasiga koʻra fuqarolarga bazaviy hisoblash miqdorining besh baravaridan yetti baravarigacha, mansabdor shaxslarga esa — yetti baravaridan oʻn baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi.

Shuningdek, Kodeksning 199-moddasiga koʻra ichki ishlar organi, yongʻinga qarshi xizmat, tibbiy tez yordam va boshqa maxsus xizmatlarni qasddan aldab chaqirganlik — bazaviy hisoblash miqdorining bir baravaridan uch baravarigacha miqdorda jarima solishga sabab boʻlishi mumkin.

#tez_tibbiy_yordam #bilasizmi

Telegram | Facebook | Instagram | Web-site | YouTube

🟦🟦🟦
“Istiqbolli davlat xizmatchisi – 2025” tanlovi: gʻoliblar orasida tez tibiy yordam tizimi xodimi ham bor

Fargʻona viloyati hokimligi va Boshqaruv samaradorligi agentligi hamkorligida mamlakatimizda ilk bor “Istiqbolli davlat xizmatchisi – 2025” tanlovi oʻtkazildi. Viloyat hokimligida tanlov gʻoliblarini taqdirlashga bagʻishlangan tantanali marosim boʻlib oʻtdi.

“Fargʻona tajribasi” asosida ilk bor oʻtkazilgan tanlovda 700 dan ziyod davlat xizmatchisi ishtirok etdi. Besh bosqichli saralash natijasida 63 nafar nomzod finalga chiqqan. Tanlov gʻoliblari orasida Respublika tez tibbiy yordam markazi Fargʻona viloyati filiali direktori oʻrinbosari Azamat Abduraxmonov ham bor.

Tadbirda viloyat hokimi Xayrullo Bozorov gʻoliblarni samimiy tabriklab, ularning kelgusidagi faoliyatlariga omad va muvaffaqiyatlar tiladi.

Tadbirda “Istiqbolli davlat xizmatchisi -2025” tanlovining barcha gʻoliblariga sertifikatlar topshirildi.

Inson tinimsiz izlanishi, ilm olishi, kasb-hunar egallashi va yurtiga sadoqat bilan xizmat qilishi lozimligi taʻkidlandi.

“Istiqbolli davlat xizmatchisi” tanlovida ishtirok etib saralangan yoshlarga oʻz oldilariga qoʻygan maqsadlariga erishishlariga, bilim va salohiyati bilan namuna boʻlishlariga ishonch bildirildi. Mazkur tanlov har yili anʻanaviy oʻtkazilishi maʻlum qilindi.