Ijtimoiy tarmoqlarda Respublika tez tibbiy yordam markazi Xorazm viloyati filiali hamshiralari bilim va malakalarini oshirish maqsadida bir oy davomida feldsherlik yoʻnalishida pullik malaka oshirgani, biroq oylik maoshlariga 15 foiz ustama qoʻshilmagani haqida xabar tarqaldi.

Ushbu holat yuzasidan quyidagilar maʼlum qilinadi.

Respublika tez tibbiy yordam markazi Xorazm viloyati filialida Prezidentimizning 2022-yil 16-iyundagi “Aholiga tez tibbiy yordam koʻrsatish tizimini takomillashtirish toʻgʻrisida”gi PQ-283-son qarori ijrosini taʼminlash maqsadida oʻrta tibbiyot xodimlarini qayta tayyorlash, malakasini oshirish, shuningdek, hududiy stansiyalarda tez tibbiy yordam xizmatidagi hamshiralik ishini xalqaro andozalarga mos ravishda tashkil etish borasida zamonaviy tizim yaratilgan.

Ushbu qaror hamda tegishli meʼyoriy-huquqiy hujjatlar asosida Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi Urganch filialida “Shoshilinch tibbiy yordam koʻrsatish”, “Tez tibbiy yordam dispetcheri”, “Ruhiy kasalliklar va narkologiyada hamshiralik ishi”, “Tez tibbiy yordam tizimida aholiga feldsher (paramedic) xizmati koʻrsatish” boʻyicha 144 soatlik kredit malaka oshirish kurslari va “Anestezist-hamshira” mutaxassisligi boʻyicha 288 soatlik va 216 soatlik ixtisoslik kurslari tashkil qilingan.

Amaldagi hujjatlarda144 soatlik kredit malaka oshirish kurslarida malaka oshirgan va malaka oshirishi rejalashtirilgan xodimlarga hech qanday ustama toʻlanishi nazarda tutilmagan. Faqat ish oʻrni va oʻrtacha ish haqi saqlanishi belgilangan.

Malaka oshirgan xodimlar Vazirlar Mahkamasining 2023-yil 18-sentabrdagi “Tibbiyot va farmatsevtika xodimlarini attestatsiyadan oʻtkazish va ularga malaka toifalari berish boʻyicha davlat xizmatlarini koʻrsatishning maʼmuriy reglamentini tasdiqlash toʻgʻrisida”gi 477-son qaroriga asosan attestatsiya topshirib, toifa olgan taqdirda, ularga qoʻshimcha ustama toʻlanishi mumkin.

#tez_tibbiy_yordam #rasmiy_munosabat #Xorazm

Telegram | Facebook | Instagram | Web-site | YouTube

🟦🟦🟦
Zarafshonda tez tibbiy yordam stansiyasining yangi binosi ishga tushirildi

Kecha Navoiy viloyatining Zarafshon shahrida yangi zamonaviy tez tibbiy yordam stansiyasi ishga tushirilib, aholimizga tez tibbiy yordam xizmatini yanada sifatli koʻrsatish borasida bir qadam tashlanganligini taʼkidlashimiz mumkin.

Mazkur bino 10 ta xona hamda barcha infratuzilmadan iborat boʻlib, ikki milliard soʻmga qurildi. Stansiyada 3 ta tez tibbiy yordam brigadasi faoliyat olib boradi.

Ochilish tadbirida Zarafshon shahar hokimi Rahmanov Nazirbek Israilovich, Navoiy viloyati sogʻliqni saqlash boshqarmasi vakillari, Respublika tez tibbiy yordam markazi direktori oʻrinbosari Dalibayev Nozimjon Zakirjonovich ishtirok etib, stansiya xodimlari va masʼullariga kelgusi ishlarida muvaffaqiyatlarni tiladi.

Binoning ochilish marosimi koʻtarinki kayfiyatda oʻtdi.

#tez_tibbiy_yordam #islohot #yangi_bino #Navoiy #Zarafshon

Telegram | Facebook | Instagram | Web-site | YouTube

☺️😉☺️😉☺️☺️😌😌
6️⃣0️⃣ ☺️☺️😚😉

🔴Зарафшон шаҳрида яна бир янги объект Кўп тармоқли марказий поликлиника ва Тез ёрдам станциясини қуриш ва унинг моддий-техника базасини мустаҳкамлаш учун 22 миллиард сўмдан ортиқ маблағ сарфланди.

💸Натижада бугунги кунда нафақат замонавий дизайнга эга, балки энергия тежовчи материаллар ёрдамида барпо этилган, қулай ва кўп функцияли шифохона бунёд бўлди.

💸Янги бинода барча йўналиш бўйича мўъжаз ва шинам хоналар ташкил қилинган. Шунингдек, замонавий лифтлар, имконияти чекланган фуқаролар учун пандуслар, тиббиёт ходимлари учун алоҳида кенг ва тоза хоналарда ишлаш имконияти яратилган. Беморлар ҳам, шифокорлар ҳам бу ерда ўзларини қулай ҳис этадилар.

💸Тиббий муассасаси энг сўнгги технологиялар: рақамлаштирилган аппаратлар, электрон навбат тизими, электрон тиббий карта, тез ва автоматлаштирилган натижалар олиш ускуналари билан жиҳозланган. Бинода тўлиқ Wi-fi зонаси, замонавий инфратузилма ва автоматлаштирилган тизимлар ўрнатилган.
Буларнинг барчаси – аҳолига тез, сифатли ва қулай тиббий хизмат кўрсатиш имконини беради.

💸Муассаса Зарафшон тиббиётининг ривожланишида янги босқич бўлади, инсон саломатлигини асраш, тиббий маданиятни юксалтиришга хизмат қилади.

💸Очилиш маросимида шаҳар ва вилоят фаоллари, раҳбарият ва кенг жамоатчилик иштирок этди.

👌Навоий вилояти ҳокимлиги
Ахборот хизмати

🧠Veb Sayt |✈️ Telegram | 🌐Facebook | 📸Instagram | ▶️ Youtube