❌ Super-muper kontrakt bekor boʻldi

Ayrim kanallar Hukumat qarorini tushunib-tushunmay rasmdagi xabarni tarqatyapti, ammo bu xato ma’lumot.

Toʻgrisi quyidagicha:

2017-yildagi Vazirlar Mahkamasining 393-sonli qarori bilan kirish imtihonlari natijalariga ko‘ra Davlat komissiyasi tomonidan belgilanadigan minimal balldan (hozirda 56,7 ball) kam ball to‘plagan abituriyentlarga birinchi o‘quv yiliga amaldagi oshirilgan to‘lov-kontraktning ta’lim yo‘nalishi bo‘yicha belgilangan eng yuqori miqdorining 2 barobariga teng to‘lovni amalga oshirish sharti bilan o‘qishga kirish huquqi berilgandi.

Ya’ni imtihonda 56,7 balldan kam to‘plagan abituriyentlar ham pulini to‘lab o‘qishi mumkin edi. Xalq tilida bu “super-muper” kontrakt, deb ham ataladi.

2025-yil 13-sentabrdagi Vazirlar Mahkamasining 578-sonli qarori bilan ushbu tartib bekor qilindi.

Demak, endi 56,7 balldan kam toʻplab, davlat OTMlariga pul toʻlab oʻqishga kirib boʻlmaydi. Ammo minimal 56,7 balldan yuqori boʻlsa, unda super kontrakt qilib oʻqisa boʻladi.

✅ EDU | INFO