🇺🇿18-noyabr — O‘zbekiston Respublikasi Davlat bayrog‘i qabul qilingan kun!

Bugun yurtimiz tarixidagi muhim sanalardan biri — milliy g‘ururimiz, ozod va obod Vatanimizning eng ulug‘ ramzlaridan biri bo‘lgan Davlat bayrog‘imiz qabul qilinganiga 34 yil to‘ldi. Bu bayram — mustaqilligimiz, birligimiz, tinchligimiz va kelajakka bo‘lgan ishonchimizning timsolidir.

Har bir hilpiragan bayroq — yurtning sha’ni, xalqning g‘ururi va mustahkam irodasidan darak beradi. Bugun biz shu muqaddas ramz ostida birlashib, Vatanimiz ravnaqi, ertangi kunimiz farovon bo‘lishi yo‘lida fidokorona mehnat qilmoqdamiz.

Ushbu ulug‘ sana barchamizga muborak bo‘lsin! Yurtimiz bayrog‘i har doim balandlarda hilpirab, O‘zbekistonning jahondagi nufuzini yanada yuksaltirib borsin!

🇺🇿 Bayrog‘imiz sharafi doimo ulug‘, yurtimiz osmoni doimo musaffo bo‘lsin!

Hurmat bilan,
“Temiryo‘linfratuzilma” AJ jamoasi

🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram

🔘O‘zbekistonda yirik logistika markazi qurilishi boshlandi.

➡️O‘zbekistonda Silkway Central Asia nomli ko‘p funksiyali logistika markazining qurilishi tantanali ravishda boshlandi. Ushbu markaz O‘rta transport koridorining muhim bo‘g‘ini bo‘lishi rejalashtirilgan. Taxminan 300 mln AQSh dollarilik loyiha Qozog‘istonning PTC Holding (Транспортно-логистическая инвестиционная группа компаний
Республики Казахстан) kompaniyasi va “O‘zbekiston temir yo‘llari” o‘rtasida tashkil etilgan qo‘shma korxona tomonidan amalga oshirilmoqda. Mazkur hamkorlik 2022-yil dekabr oyida ikki davlat prezidentlari o‘rtasida erishilgan kelishuvlarga asoslanadi. Loyiha joriy yil 11–13 noyabr kunlari Toshkentda bo‘lib o‘tgan TransLogistica Uzbekistan 2025 xalqaro ko‘rgazmasida taqdim etilgan edi.

🔘Qurilish parametrlari

➡️Toshkent viloyatidagi 159,4 gektarlik hududda quyidagi infratuzilmalar barpo etiladi:

➡️172 ming m² konteyner maydonlari
➡️167 ming m² A va B klassdagi omborlar
➡️sanoat-ishlab chiqarish zonasi
➡️18,7 ming m² savdo-ko‘rgazma majmuasi
➡️28,4 km yangi temir yo‘l tarmoqlari
➡️avtomobil va temir yo‘l yo‘laklari (putepvodlar)
➡️gidrotexnika inshootlari
➡️terminal hududidagi yuqori kuchlanishli elektr uzatish liniyalarini ko‘chirish ishlari

🔘 Loyiha bosqichlari va quvvatlari

➡️Loyiha uch bosqichda amalga oshiriladi. Birinchi bosqich 2027-yil boshigacha yakunlanishi rejalashtirilgan. Markazning yillik yuk qayta ishlash quvvati 350 ming TEUgacha yetishi mumkin. 2035-yilga borib markaz orqali 3 million tonnagacha yuk o‘tishi prognoz qilinmoqda.

🔘 Ijtimoiy ahamiyati

Markaz ishga tushirilgach, 700 ta yangi ish o‘rni yaratiladi.

🔘 PTC Holding haqida

PTC Holding — O‘rta koridor bo‘ylab yirik infratuzilma loyihalarini amalga oshirayotgan transport-logistika kompaniyasi.

🔘Kompaniya:

➡️Xitoy chegarasidagi Dostyk TransTerminal,

➡️Gruziyaning Poti TransTerminal logistika markazlari,

➡️shuningdek Qozog‘iston, Xitoy, Turkiya, O‘zbekiston, Qirg‘iziston va Gruziyada operatorlik tuzilmalariga ega.

Manba:https://zdmira.com/news/v-uzbekistane-nachato-stroitelstvo-krupnogo-logisticheskogo-tsentra

#⃣railwayinfra.uz ❤️‍🔥Telegram  ❤️‍🔥Facebook ❤️‍🔥Instagram

0️⃣0️⃣0️⃣📺📺#jahon_tajribasi

Hindistonning NCRTC kompaniyasi temir yo‘l yo‘llariga quyosh panellari o‘rnatdi.

Hindiston davlatiga qarashli transport korporatsiyasi NCRTC (National Capital Region Transport Corporation) G‘oziyobod shahri yaqinidagi depo yo‘llariga quyosh panellari o‘rnatdi. Korporatsiyaning qayd etishicha, energiya iste’molining 70 foizini qayta tiklanuvchi manbalardan qoplashga intilayotgan korxona ushbu panellar orqali yiliga taxminan 17 500 kVt⋅soat elektr energiyasi oladi.

Loyiha doirasida 70 metr rels ustiga 550 Vt quvvatga ega 28 ta panel joylashtirildi. Ushbu tizim orqali NCRTC yiliga 16 tonna CO₂ chiqindisining kamayishiga erishishni rejalashtirmoqda.

NCRTC ushbu yechimni keng miqyosda joriy etishni maqsad qilgan — kelgusida bir vaqtning o‘zida 15 MVt quyosh energiyasi ishlab chiqarishga erishish rejalashtirilgan. Shu maqsadda quyosh panellari stansiyalar tomlariga, depolarga va boshqa bino-inshootlarga ham o‘rnatiladi. Hozirda shu tarmoqni ta’minlaydigan quyosh generatsiyasi quvvati 5,5 MVtni tashkil etadi.

NCRTC tajribasiga qadar Hindistonda shunga o‘xshash ilk loyihasi Banaras Locomotive Works tomonidan amalga oshirilgan edi. Mahalliy mutaxassislar panellarni o‘rnatish jarayoni poyezdlar harakatiga xalaqit bermasligini ta’minlovchi texnologiyani ishlab chiqqan.

Bunday texnologiyani dunyoda birinchi bo‘lib joriy etgan kompaniya — Shveytsariyaning Sun-Ways startapi. Ular Neuchâtel shahridan Shveytsariya Alp tog‘lariga olib boruvchi yo‘llarda 18 kVt quvvatga ega rels usti quyosh elektr stansiyasini ishga tushirgan. Stansiya nafaqat poyezdlar uchun energiya yetkazib beradi, balki ortiqcha elektrni umumiy tarmoqqa ham uzatadi.

#⃣railwayinfra.uz ❤️‍🔥Telegram  ❤️‍🔥Facebook ❤️‍🔥Instagram