الفعل بدأ بالماضي (صرله سنتين) وما زال مستمر لهلأ بدون ما ينتهي أو يتوقف.. وجود now هون كان للتأكيد على استمرار الفعل لوقت الحاضر، لهيك باخد الحاضر التام المستمر

على هي الفكرة اجا سؤال بدورة 2025:
I... her for a long time now.
A. would know
B. had known
C. have known
D. will know
فهون كمان الفعل بدأ من زمان بس لسا مستمر للحظة الحالية بالتالي رح يكون حاضر تام

إذا لهلأ عم تواجه صعوبة بفهم القواعد ومو عرفان تجمع الحالات الشاذة والنكشات وهي الأمور ..

فبنصحك تشوف قسم الـ Grammar بنوطة الإنكليزي، قسم موجود بكل وحدة، فيه قاعدة الوحدة، شارح حاله بحاله مع أمثلة وكلشي خبرات سابقة لازم تكون بتعرفها .. وطبعاً حتلاقي قسم للنكشات الموجودة بالدورات والكتاب لهي القاعدة، وحتى النكشات الخارجية اللي ممكن ترد ..

السلام عليكم ورحمة الله وبركاته ..

نفتتح بنك ملفات بكسل لعام 2026 بأكثر شيء انطلب منا خلال الفترة الماضية، وهو كيفية كتابة موضوع إنكليزي

داخل هذا الملف ستجد ..

📌 طريقة كتابة موضوع الإنكليزي من الصفر وكيفية تقسيمه

📌 نصائح بخصوص كتابة الموضوع

📌 خطة مقترحة للتدريب على الكتابة

📌 أشكال موضوع الإنكليزي

📌 آخر سلّم تصحيح تم اعتماده للمواضيع (عام 2024)

📌 تجميعة لبعض كلمات الربط بين الجمل وشرحها

📌 شرح أماكن استخدام علامات الترقيم

📌 شرح استخدام أحرف العطف

ملاحظة: الملف مجاني بالكامل.

بقاعدة السببية:
إذا أنا ما عملت الفعل بنفسي معناها تلقيته وانعمل لالي ويعني حصلت عليه بدون ما ساويه بشكل شخصي، وإذا أنا عملته بنفسي معناها ما انعمل لالي أو تلقيته من حدا تاني

بناءً على هالفكرة رح نشوف الجملة والخيارات المتاحة، بما أني ما صلّحت السيارة معناها رح يكون حدا صلحلي ياها وأنا حصلت عليها مصلّحة

الخيارات يلي عنا:
الخيار الأول عم قول فيه إني صلحتها، وهاد الشي عكس معنى الجملة الأولى لهيك ما بيكون صحيح لأني ما صلحتها
الخيار الثاني نفس الأول بس اختلف الزمن
الخيار الثالث عم قول فيه إني ما حصلت عليها مصلّحة، بس هالشي كمان ما مناسب لأنو ما دام مو أنا يلي صلحتها (بالقسم الأول من الجملة) معناها رح كون حصلت على هالمنفعة وحدا ساوالي ياها وهالشي مذكور عكسه بالخيار الثالث
الخيار الرابع هو المناسب

طيب ليش اخترنا الرابع مو الثاني؟ بدنا ننتبه لصيغة السببية.. صيغة السببية هي يلي متل الخيار الرابع:
had it repaired
بينما الخيار الثاني:
had repaired it
ماضي تام مانه سببية

من الأساسيات يلي عنا هي السؤال الذيلي، وبالسؤال الذيلي بيكون عندي جملة مثبتة ونهايتها سؤال منفي، وإذا كانت منفية بيكون نهايتها سؤال مثبت
كيف بتكون طريقته؟ باخد الفعل المساعد وبنفيه أو بثبته وبحط الضمير بهاد الشكل:
John plays football, doesn't he?
عنا الفاعل John الضمير تبعه he
وعنا الفعل plays بالحاضر البسيط فالفعل المساعد تبعه هو does
وبما انو الجملة مثبتة بنفي الفعل المساعد وبتصير:
doesn't he?
وإذا كان الفعل المساعد من الأساس بالجملة متل:
She can't play, can she?
بنحافظ عليه ونقلب المعنى

طيب بالجملة يلي عنا كيف بدنا نشتغل؟ عنا: They have to study
الفعل هو have to ولكنه فعل أساسي مو فعل مساعد، يعني لما بدي انفيه أو اسأل بقول:
They don't have to...etc
Do they have to....?
لهيك بالسؤال الذيلي رح اخد الفعل المساعد تبعه وبيصير don't they

طيب ليش ما أخدنا haven't they؟ لأن متل ما قلنا الفعل هون مانه مساعد وإنما أساسي، وفعله المساعد do
ايمتا بيكون فعل مساعد؟ لما بيكون بجملة متل:
They have studied hard.
هون عنا have فعل مساعد، فلما بدي حط السؤال الذيلي بيصير haven't they