🏴Angliyada ishlash bo'yicha
Karantindan keyin Angliyaga mavsumiy ishga borish juda mashxur bo'lib ketdi. Ayniqsa, 2022 yilgacha topshirganlarning deyarli barchasi vizalarini olganlaridan keyin hamma Angliyaga ishga borishga qiziqib qoldi.
Lekin, 6 oylik vizani olib ketganlarning juda ko'pchiligi ortiga qaytmadi. Natijada bir yarim yil o'tar o'tmas, hech qaysi kompaniya O'zbeklarni ishga olishni hoxlamay qoldi.
Nega O'zbeklarning ko'pi qoidani buzib qolib ketdi?
G'alati savol bo'lib ko'rinishi mumkin. Hamma biladigan sabab ko'proq pul ishlash niyati.
Albatta, Angliyada ancha yuqori maoshlar to'lanadi. Lekin, ko'pchilik ishga borish uchun har xil agentliklarga ikki mingdan besh minggacha pul to'lashga majbur bo'lishdi. Qilgan harajatlarini chiqarish uchun ko'proq muddat ishlashlari kerak edi. 6 oy kamlik qilardi.
Ishga kelayotganlardan Agentliklar 5 minglab pul olayotganini eshitgan Angliyalik ish beruvchilarni tom ma'noda ko'zi chiqib ketdi. Shundan keyin avval ishga kelayotganlar bilan yuzma yuz suhbat qilishni va suhbat jarayonida biron agentlik bilan ishlayotganini so'rashni yo'lga qo'yishdi. Agar o'rtada agentlik bo'lsa u odamni ishini bekor qilib yuborishar edi.
Foydasi bo'lmagandan keyin, iloji boricha O'zbeklarni ishga olmaslikka harakat qila boshlashdi.
Ho'sh hozir Angliyaga ishga ketish imkoni bormi?
1. Eng birinchi va ishonchli yo'li Migratsiya Agentligi yordamida ketish. Bir yilda 1-2 martta qabullar e'lon qilinadi. Lekin shu payt 10 minglab odamlar ariza topshiradi va ular ichidan sanoqli kadrlar tanlab olinadi. Konkurensiya juda yuqori.
Agentliklar?!
Hozir hech bir agentlik sizni kafolat bilan yuborish uyoqda tursin, ish taklifi ham olib bera olmaydi. Ya'ni 10 ta odam ishga topshirsa, ularning 10tasiga ham ish shartnomasi kelishi kerak. Va shundan so'ng elchixonaga kiradi. Agentliklarda bunday narsa yo'q. Chunki hech bir Angliyalik ish beruvchi O'zbekistonlik agentliklar bilan ishlamaydi. Ular quyida aytadigan ishimni qilishadi va o'xshaganlardan katta pul sug'urishadi.
Ishonchli yo'l
Hozirda Angliyalik ish beruvchilar yana sekin asta O'zbekistonliklarni ishga qabul qila boshlashgan. Juda ko'plab Angliyalik mavsumiy ishga qabul qiluvchi kompaniyalar bor. Ular o'z saytlarida qabullarni e'lon qilishadi. Ularga o'z rezyume va cover letterlaringizni yuborib ishga joylashishingiz mumkin. Bu mutlaqo bepul. Hatto ba'zi holatlarda ish beruvchilar bilet pullarini ham qoplab berishadi.
Va eng muhimi bunday ishlarda til bilish ham talab etilmaydi. Internet saytlarni esa allaqachon brauzerning tarjimonlari orqali o'zbek tiliga o'girsangiz bo'ladi.
Shuningdek, siz nafaqat mavsumiy ishlarga balki, boshqa yo'nalishlarda ham ishga joylashishingiz mumkin. Bu haqida keyingi postlarda aytib beraman.
Qiziq bo'lsa 🔥 qoldiring.
0
Показать ещё
