jamoasi qisqa vaqt ichida katta yutuqlarga erishgan: dasturlar kengaymoqda, o‘quvchilar yangi texnologiyalarni o‘zlashtirmoqda, ijodiy va ilmiy loyihalarda faol ishtirok etmoqda.

Tashrif davomida “Monolog” nomli qisqa metrajli filmni tomosha qildik — undagi hikoyalar nogironligi bo‘lgan farzandlarimizning kuchi, sabr-toqati va orzularidan dalolat beradi. Shuningdek, FM-tizimlardan foydalangan holda ingliz tili bo‘yicha ochiq dars, robototexnika va AKT loyihalari, UPSHIFT dasturidagi yoshlar tashabbuslari va “Men borman” ko‘rgazmasi katta taassurot qoldirdi.

Ota-onalar va alohida ta’lim ehtiyojlariga ega bolalar o‘qiydigan maktab direktorlaridan eshitgan fikrlar — bizning kelgusidagi ish rejamiz uchun juda muhim. Ularning ehtiyoj va takliflari inklyuziv ta’limni rivojlantirishda bosh yo‘nalish bo‘lib xizmat qiladi.

Inklyuziv ta’lim — bu faqat bir toifa bolalar uchun sharoit yaratish emas, balki butun jamiyatimizda teng imkoniyatlar madaniyatini shakllantirishdir. Shu yo‘nalishda birgalikda ishlashni davom ettiramiz.

Telegram | Х
Facebook | Instagram

✨✨✨✨

Bugun Oʻzbekiston Respublikasi Oliy Majlisi Qonunchilik palatasining navbatdagi majlisi bo‘lib o‘tdi.

Majlisda bolalarni ijtimoiy himoya qilish tizimini yanada takomillashtirishga qaratilgan qonun loyihasi birinchi o‘qishda konseptual jihatdan muhokama qilindi.

Qonun loyihasida Ijtimoiy himoya milliy agentligi va uning hududiy bo‘linmalarini yetim bolalar va ota-ona qaramog‘idan mahrum bo‘lgan bolalarni aniqlash, ularning hisobini yuritish hamda muqobil joylashtirish shakllariga berish borasidagi vakolatlari belgilanmoqda.

Bolalarga tarbiya, ta’lim berish va sog‘lig‘ini saqlash bo‘yicha mas’ul shaxslarga o‘z majburiyatlarini bajarmaganlik uchun ma’muriy javobgarlikni belgilash nazarda tutilmoqda. Shuningdek, vasiy yoki homiyni belgilash vakolatini hokimlardan “Inson” ijtimoiy xizmatlar markazi direktoriga o‘tkazish taklif etilmoqda.

Majlisda qonun loyihasining qabul qilinishi bolalarning huquqlari va qonuniy manfaatlarini himoya qilish, ularning huquqlarini kafolatli himoya qilishni ta’minlashga xizmat qilishi ta’kidlandi.

Qonun loyihasi deputatlar tomonidan birinchi o‘qishda qabul qilindi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Avvalroq xabar berganimizdek,
Hukumatning tegishli qarori bilan bolalarga nisbatan zo‘ravonlik holatlarini aniqlash va ularni himoya qilish tartibi belgilangan edi.

🖋 Nizomga ko‘ra, zo‘ravonlikdan jabrlangan yoxud o‘ziga nisbatan zo‘ravonlik sodir etilishi xavfi ostida bo‘lgan bolalar bevosita o‘zlari yoxud qonuniy vakillari "Inson" markazlari, ichki ishlar organlari va boshqa mas’ul organlarga murojaat qiladi.

☺️ "Inson" markazlari ichki ishlar organlari ishtirokida bolaning hayotiy vaziyatini 1 kun muddatda o‘rganadi.

↗️ Bunda "Inson" markazi bolaning hayoti yoki sog‘lig‘iga tahdid soluvchi omillarni dastlabki baholashdan o‘tkazadi hamda xavf darajasini "past" yoki "yuqori" deb topishi mumkin.

☑️ Xavf darajasi "yuqori" deb baholanganida, ichki ishlar organi quyidagi choralardan birini ko‘radi:

😲 zo‘ravonlik sodir etgan shaxsni ma’muriy yo‘l bilan ushlab turish hamda protsessual majburlov choralarini qo‘llash;

😲 bolaga yoxud uning qonuniy vakiliga himoya orderini berish;

😲 bolani ota-onasidan (ularning biridan) yoxud uni o‘z qaramog‘iga olgan boshqa shaxslardan olib qo‘yish va uning xavfsizligini ta’minlash.

😲 Tahdid soluvchi omillar bartaraf etilgach, "Inson" markazi bolaning hayotiy vaziyatini 14 kalendar kun ichida kompleks baholashdan o‘tkazadi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#Statistika

2025-yil 1-iyul holatiga ko‘ra, 1 050 218 nafar fuqaro nogironlik maqomiga ega. Bu ko‘rsatkich 3 oy ichida 14 644 nafarga oshgan.

➖ Erkaklar – 54,8%
➖ Ayollar – 45,2%

😮 Yosh kesimida:

✅ 0–16 yosh: 163 402 nafar
✅ 17–30 yosh: 114 312 nafar
✅ 31–60 yosh: 564 752 nafar
✅ 60+ yosh: 207 752 nafar

↗️ Nogironlik darajalari bo‘yicha:

1️⃣ I guruh – 9,2%
2️⃣ II guruh – 67,4%
3️⃣ III guruh – 6,8%
4️⃣ Bolalar (18 yoshgacha) – 16,6%

🧠 Ijtimoiy himoya milliy agentligi tomonidan nogironligi bo‘lgan shaxslarga quyidagi xizmatlar ko‘rsatilmoqda:

✅ “Inson” ijtimoiy xizmatlar markazlari orqali ijtimoiy xizmat ko‘rsatish;
✅ Reabilitatsiya va protez-ortopediya vositalari bilan ta’minlash;
✅ Tibbiy, kasbiy va ijtimoiy reabilitatsiya qilish;
✅ Og‘ir turdagi nogironligi bo‘lgan bolalarga kunduzgi parvarish xizmati;
✅ Bandlikni ta'minlash va kasbga o‘qitish;
✅ Davlat tomonidan moddiy yordam va boshqa turdagi yordamlar.

💚 Nogironlik – kamchilik emas, bu – jamiyatimiz bir qismi! Ular uchun yaratilayotgan sharoit – bizning insoniy burchimiz!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Vazirlar Mahkamasining 2025-yil 23-iyuldagi 462-sonli "Ayollar daftari", ‘Yoshlar daftari" va "Saxovat va ko‘mak" jamg‘armalari mablag‘lari hisobidan ijtimoiy yordam ko‘rsatish tizimini takomillashtirish chora-tadbirlari to‘g‘risida"gi qarori qabul qilindi.

Hukumatning ushbu qarori bilan “Ayollar daftari”, “Yoshlar daftari” va “Saxovat va ko‘mak” jamg‘armalari orqali ko‘rsatiladigan ijtimoiy yordamlar kambag‘al oilalar reyestriga kiritilgan oilalarga, uy-joy sharoitlarini yaxshilash va sog‘liqni saqlash bo‘yicha ijtimoiy yordamlar esa oylik daromadi oila a’zolarining har biriga minimal iste’mol xarajatlari miqdorining 2 baravaridan ko‘p bo‘lmagan oilalarga ham taqdim etilishi mumkin.

Ma’lumot uchun: avvalgi amaliyotda “Ayollar daftari”, “Yoshlar daftari” va “Saxovat va ko‘mak” jamg‘armalari orqali yordamlar faqat shu daftarlarga kiritilganlarga berilgan. Ehtiyojmand bo‘lsa-da, daftarda bo‘lmaganlar ko‘pincha yordamdan chetda qolib ketgan. Yangi qaror bilan bu kamchiliklar bartaraf etilib, tizim yanada adolatli va raqamlashtirilgan shaklga o‘tkazildi.

Bunda mablag‘larni taqsimlashda tuman (shahar)dagi nogironligi bo‘lgan shaxslar va kambag‘al oilalar reyestriga kiritilgan oilalar soni to‘g‘risidagi ma’lumotlar “Yagona milliy ijtimoiy himoya” axborot tizimi hamda tumanlar (shaharlar) bo‘yicha aholi soni to‘g‘risidagi ma’lumotlar “Statistika” integrallashgan axborot tizimi orqali idoralararo elektron hamkorlik vositasida olinadi.

2025-yil 15-avgustga qadar “Yagona milliy ijtimoiy himoya” axborot tizimi orqali “Saxovat va ko‘mak” jamg‘armasi mablag‘lari hisobidan vaucher asosida yordam ko‘rsatish tizimi joriy etiladi.

Bu tizim orqali ijtimoiy yordam tizimi takomillashtirilmoqda – "Ayollar daftari", "Yoshlar daftari" va "Saxovat va ko‘mak" jamg‘armalari orqali ko‘rsatiladigan yordamlar yanada aniq va ehtiyojmandlarga yo‘naltiriladi.

Biz ijtimoiy yordam – bu faqat moddiy ko‘mak emas, balki inson qadri va jamiyat ishonchini mustahkamlovchi kuch deb bilamiz.

Telegram | Х
Facebook | Instagram