SUV, OLOV VA AXLOQ

Suv, olov va axloq do‘st bo‘lib, birga vaqt o‘tkaza boshladilar. Ular atrofda aylanib yurganlarida, agar adashib qolishsa, bir-birlarini qanday topish mumkinligini o‘ylay boshladilar.

Suvdan so‘rashdi: "Agar adashib qolsang, seni qanday topamiz?" Suv: "Agar shildiragan ovozni eshitsangiz, meni o‘sha yerda topishingiz mumkin," deb javob berdi.

Olovdan so‘rashdi: "Seni yo‘qotib qo‘ysak, nima qilamiz?" Olov: "Tutun ko‘rgan joyda men borman," deb javob berdi.

Navbat axloqqa keldi. Uning javobi esa juda o‘ylantiradigan edi: "Agar meni yo‘qotsangiz, boshqa hech qachon topolmaysiz!"
____

Klubimizga obuna bo’ling va Abdukarim Mirzayevga shaxsan savol berish imkoniyatini qo’lga kiriting.

🔗 QO’SHILISH

📚 O'qi,

O'yla, O'rgan

Qadim zamonda bir cho‘pon bo‘lgan ekan. Bu cho‘pon podshohning qiziga oshiq bo‘libdi. U qizga uylanish uchun hamma narsaga tayyor edi va bu ishning chorasini izlay boshladi. G‘arib cho‘ponning xayoliga kelgan birinchi narsa o‘sha zamonning allomasini topib, undan yordam so‘rash bo‘ldi.

U olimni topib, dedi:
"Men podshohning qiziga oshiq bo‘ldim. Nima qilib bo‘lsa ham unga uylanishim kerak, menga yo‘l ko‘rsating, eshigingizga keldim."

Olim: "Bu ish juda qiyin, o‘g‘lim. Sen oddiy cho‘ponsan, u podshohning qizi," debdi.

"Bo‘lmaydi, albatta unga uylanishim kerak, menga bir nasihat bering, bir chora toping."

"Sen bu qizni juda yaxshi ko‘rasanmi?"
"Ha, juda..."
"Nima desam, shuni qilasanmi?"
"Qilaman, so‘z beraman."
"Unda meni eshit, darhol shahar darvozasiga borib, eshigi oldida o‘tirasan va hech qachon o‘rningdan turmay, uxlamay o‘sha yerda kutasan. Kimki senga savol bersa, sening yagona javobing Alloh bo‘ladi."

Cho‘pon uning maslahatini qabul qilib, darhol shahar darvozasiga o‘tirdi. Ko‘p o‘tmay bir savdogar kelib, "Assalomu alaykum," dedi.

- "Alloh."
- "Bu shaharda nimalar sotib olishim mumkin?"
- "Alloh."
- "Sen aqldan ozganmisan?"
- "Alloh."

Javob ololmagan savdogar ketibdi. Kelgan-ketganlar nima so‘rasa, faqat "Alloh" deb javob bergan cho‘ponning dong‘i taralibdi. Uni shaharda yo‘l ustida bir rabboniy olim sifatida tanib qolishibdi. Bu gap podshohning qulog‘igacha yetib boribdi. Podshoh ham darhol uning ziyoratiga boribdi:
- "Ustoz, bu yerlarda sizga yurish yarashmaydi!" debdi.
- "Alloh."
- "Sizni saroyimda ko‘rish men uchun sharaf bo‘ladi."
- "Alloh."
- "Hatto sizga qarindosh bo‘lishni ham istayman, bir qizim bor, agar siz ma’qul ko‘rsangiz, nikohingiz biz uchun sharaf."
- "Alloh," debdi. Keyin esa: "Istamayman," debdi.

Buni eshitgan olim cho‘pondan so‘rabdi:
- "O‘g‘lim, istaging amalga oshdi-ku, nega istamaysan?"

Cho‘pon shunday javob beribdi:
- "Yolg‘on yerga, dunyo havasida bu yerga keldim; faqat ’Alloh’ dedim va eng katta istagim ijobat bo‘ldi. Endi men Uni qanday tashlab, boshqasini seva olaman?"

10 kitob tahlilini eshtish uchun klubimiz a’zosi bo’ling 🔗 QO’SHILISH

📚 O'qi, O'yla, O'rgan

Bir kuni bochkaga chumoli tushibdi. Bochka boshiga navbatma-navbat uch kishi kelib o’tib ketibdi.

Birinchisi bochka yoniga kelib, chumolini ko‘rib, "Bu yerda nima ishing bor?" deb, ezib, yo‘q qilibdi.

Ikkinchisi bochka yoniga kelib, chumolini ko‘ribdi. "Hech kimga zararing yo‘q, sevimli jonivor, bochkada o‘zing istagancha yasha," deb o’tib ketibdi.

Uchinchisi bochka yoniga kelib, chumolini ko‘ribdi. Shunda chumoli yesin deb bochka ichiga bir qoshiq shakar sepib o’tibdi.

Xo’sh, bu uch kishi kimlar desangiz?
Birinchisining nomi Xudbinlik ekan.
Ikkinchisining esa Bag‘rikenglik ekan.
Uchinchisimi? Uning ismi Sevgi ekan!

Bizning kitobsevar faol klubimizga qo’shiling 🔗 QO’SHILISH

📚 O'qi, O'yla, O'rgan