မန္တလေးတိုင်းဒေသကြီး၊တံတားဦးမြို့နယ်၊
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ

အောင်နိုင်ရေးအလံတင်ပွဲအခမ်းအနား
ကျင်းပ နေသောမြင်ကွင်း


https://t.me/kyawswar49111

မန္တလေးတိုင်း​ဒေသကြီး ပျော်ဘွယ်မြို့ရှိ မှန်ကျောင်းဓမ္မစကူးလ် ကျောင်းဆောင်တော်ကြီး ကျောင်းလွှတ်ပူဇော်ပွဲ အခမ်းအနား ကျင်းပ

မန္တလေးတိုင်း​ဒေသကြီး ပျော်ဘွယ်မြို့ရှိ မှန်ကျောင်းဓမ္မစကူးလ် ကျောင်းဆောင်တော်ကြီး ကျောင်းလွှတ်ပူဇော်ပွဲ အခမ်းအနားအား ယနေ့(နိုဝင်ဘာ ၉ ရက်) နံနက်ပိုင်းက ကျင်းပခဲ့သည်။

မန္တလေးတိုင်း​ဒေသကြီး၊ ရမည်းသင်းခရိုင်၊ ပျော်ဘွယ်မြို့တွင် ကျင်းပခဲ့သည့် မှန်ကျောင်းဓမ္မစကူးလ် ကျောင်းဆောင်တော်ကြီး ကျောင်းလွှတ်ပူဇော်ပွဲ အခမ်းအနားသို့ နိုင်ငံတော်သံဃမဟာနာယ(အဖွဲ့ဝင်) တောင်ကြီးမြို့၊ မဟာဓမ္မိကာရာမပရိယတ္တိစာသင်တိုက်၊ ဆရာတော် အဂ္ဂမဟာဂန္တဝါစကပဏ္ဍိတ၊ အဂ္ဂမဟာသဒ္ဒမ္မဇောတိဓဇ ဘဒ္ဒန္တဓမ္မာနန္ဒာဘိဝံသ နှင့် ဆရာတော် သံဃာတော် အရှင်သူမြတ်များ၊ ကျောင်းဒါယကာ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်(ကိုယ်စား) ဘုရားဒါယကာ ဒုတိယဗိုလ်ချုပ်ကြီး သောင်းအေး(ငြိမ်း)နှင့် ဇနီး၊ ဖိတ်ကြားထားသည့် ဧည့်သည်တော်များ တက်ရောက်ကြသည်။

အခမ်းအနားကို "နမောတဿ" သုံးကြိမ် ရွတ်ဆိုဘုရားကန်တော့၍ ဖွင့်လှစ်ခဲ့ပြီး နိုင်ငံတော်သံဃမဟာနာယ(အဖွဲ့ဝင်) တောင်ကြီးမြို့ မဟာဓမ္မိကာရာမပရိယတ္တိစာသင်တိုက်၊ ဆရာတော် အဂ္ဂမဟာဂန္တဝါစကပဏ္ဍိတ၊ အဂ္ဂမဟာသဒ္ဒမ္မဇောတိဓဇ ဘဒ္ဒန္တဓမ္မာနန္ဒာဘိဝံသ ထံမှ ငါးပါးသီလခံယူဆောက်တည်ကြသည်။

ထို့နောက် ဆရာတော်သံဃာတော်များ ရွတ်ပွားသရဇ္ဈယ်တော်မူသည့် ပရိတ်တရားတော် များကို နာယူကြည်ညိုခဲ့ပြီး ဆရာတော်သံဃာတော်အရှင်သူမြတ်တို့အား လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့သည်။

ယင်းနောက် ကျောင်းဒါယကာ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်(ကိုယ်စား) ဘုရားဒါယကာ ဒါယကာ ဒုတိယဗိုလ်ချုပ်ကြီး သောင်းအေး(ငြိမ်း) မှ သာသနာရေးဆိုင်ရာနှင့် ဓမ္မစကူးလ်ကျောင်းဆောက်ရခြင်း၏ ရည်ရွယ်ချက်ကို လျှောက်ထားခဲ့သည်။

ယင်းနောက်တွင် မြို့နယ်ဓမ္မစကူးလ်ကော်မတီ ဦးဘညွှန့်မှ တီ ဦးဘညွှန့်မှ ကျေးဇူးတင်စကား ပြောကြားခြင်း၊ စေတနာရှင်၊ အလှူရှင်များအား ဂုဏ်ပြုမှတ်တမ်းလွှာပေးအပ်ခြင်း၊ ကျောင်းဆောင်ဆောက်လုပ်သည့် ရှိုင်းထူးခံအောင်ကုမ္ပဏီမှ ကျောင်းဆောင် ဆိုင်ရာစာရွက်စာတမ်းများအား မြို့နယ်ဓမ္မစကူးလ်ကော်မတီသို့ လွှဲပြောင်းပေးအပ်ခြင်းများ ဆောင်ရွက်ခဲ့သည်။

ထို့နောက် ပျော်ဘွယ်မြို့ ရန်အောင်တောရကျောင်းဆရာတော် ဘဒ္ဒန္တဝိလာသ(အဂ္ဂမဟာ သဒ္ဒမ္မဇောတိကဓဇ) မဟာထေရ်မြတ်ထံမှ အနုမောဒနာတရားနာကြား၍ ရေစက်သွန်းလောင်းအမျှပေးဝေခဲ့ပြီး အခမ်းအနားကို ဗုဒ္ဓသာသနံစိရံတိဌတု(၃)ကြိမ်ရွတ်ဆိုဆုတောင်း၍ အခမ်းအနားရုပ်သိမ်းခဲ့သည်။