یا لەیل یارە بێ مەیلەکەم....

سڵام چۆنن
ئەگەر ئێوەش مەغزتان ئەیتر نایکێشێ بێن چەند دانە گۆرانی گۆێ بگرن تا کەمێ بێخەیاڵی دنیا بن
ئەوە چەند دانە لەو گۆرانیانە وا ئەتانێ بتانخەڵەتێنێ
خەمڕەوێنی ١
خەمڕەوێنی ٢
خەمڕەوێنی ٣
خەمڕەوێنی ٣

ڕەند یانێ چە؟
ڕەند وشەێکی فارسی پێشینە ، فرەتر حافزی شیرازی لە ناو شێعرەکانیە هاوردویە ، چەنها واتای هەس ، لە زمانی کوردی فرەتر بە مانای جوان خاس ئەوترێ ، بەڵام ئەگەر لە ناو شێعرە کۆنەکانە ورد بینەوە ، مانای فرەی تێدا هەس ، مەسەڵەن لە جێگاێکە لە نێو شێعرەکانی حافز بە مانای کەسێک ئەوترێ کە ئینسانێکی کامڵە ، وە نە ئەهلی لە ڕادە دەرچوونە وە نە ئەهلی هیچ کارێک نەکردن ، نێوان گوزینە ، پێش ئەوەی حافز واتای وشەی ڕەند بگوڕێ وە واتاێکی خۆشی پێ بدات ، لە نێوان خەڵکە واتاێکی باشی نەبو وە بە بێ سەروپاکان ئەیانوت ، وە حافز جێگای ئەم وشەی بردە بانتر ، ڕەند کەسێکە کە ئاسان گیرە بە کاری دنیا ، ئنسانی ڕەند ئەهلی خۆ نیشان دان نیە ، هونەرمەندە بەڵام هونەرەکەی نافرۆشێ ، هیوادارە وە سەرخۆشە.
حافز ویستویە کە خۆی بە کەم نیشان بدات بۆیە وشەی ڕەند بەکار دێنێ بۆ خۆی ، بەڵام هێندە حافز گەورە بووە کە لە جێگای ئەوە ئەرزشی خۆی کەمەو بێت ، ئەرزشی وشەکە بەرز بۆتەوە ، ئەوە یانێ ئەوە کە وشەکان ئنسان درۆس ناکەن بەڵکۆ ئینسان وشەکان درۆس ئەکات وە مانای پێ ئەدەن ، هەروەها ڕەند لە لای حافز یانێ کەسێک کە سەربە هیچ شتێک نیە وە تەعەلۆقی بە هیچ نیە ، کەسێک کە تەعەڵۆق خاترێکی نەوێ بە هیچ شتێک ، یانێ ئنسانێکی ئازاد ، یانێ ئنسانێکی ڕەندو مەند ، کەسێک کە ڕەند بێ ، هەمو کەسێک حەزی لێ ئەکەن وە ئەوینداری ئەبن وە حەسرەتی بۆ ئەخۆن ،لە گۆرانیەکانی مامۆستا زیرەک ئەبیسین کە دایمە لە حەسرەتی ڕەندومەندانە.
بۆیە تاهێر بەگی جافیش داخی ڕەندانی لە دڵ دایە وە ئەیژێ زەمانە بەزمی ڕەندانە بدە ساقی بە پەیمانە

#چیاوان
@hasanzirak

چێژتم ئەمڕۆ ژەهری مار و ڕۆحی شیرینم نەهات
زامی کۆنەم هاتە ژان و مەرهەمی برینم نەهات

من خەمم خوارد و خەمیش خوێنی جگەرمی خواردەوە
بۆیە گریام چەند بەچەند، فرمێسکی خوێنینم نەهات

غەم سەری لێدام و یاریش قەت سەرێکی لێ نەدام
سەبر و هۆشم ڕۆییوە، غارەتگەری دینم نەهات

دڵ دەسووتێ چین بە چین دەشکێتە سەر یەک وەک فەنەر
خاوەنی ڕووی ئاتەشین و زولفی چین چینم نەهات

دیدە وەک هەوری بەهاران خوێن دەبارێنێ و سەدای
پێکەنینی غونچەیی نەو سەبزە پەرژینم نەهات

گۆی سەرم چەوگانی میحنەت دایە بەر خۆی ڕای فڕاند
وای عەجەب، بۆ شاسواری خانەیی زینم نەهات؟

کەوتمە وەختی مردن و غەم خستمیە حاڵی غەڕغەڕە
کوردی بێ کەس خۆم لە هیچ لایێ سەدای شینم نەهات

#مستەفابەگ (کوردی)

@hasanzirak