‏مقطع صوتي من اللهم صل على محمد وال محم

‏مقطع صوتي من اللهم صل على محمد وال محم

كعديه

يلجمني دمع العين. لو راحت الزهره
والحيل اجيبه امنين. لو راحت الزهره
ياموت اخذ عمري. يبدي الحزن تدري
لو راحت الزهره
****
جلجلت فوگي المصايب. ونهدم هليله حيلي
ودعت زهرت حياتي. وتسعر النار بدليلي
اذكر ايام العشتها ويگضي بالحسرات ليلي

انه علي حامي الحمه. ومن عندي راحت فاطمه
والدار صارت مظلمه. ومن هجرها تشتكيلي

العشرة گبل حنيت. شيردها لمتنه
وفارغ اشوف البيت. شيردها لمتنه
توه نكسر ضهري. يبدي الحزن تدري
لو راحت الزهره
**
صحت يا فاطمه بعدج. يا جرح كليلي اهوده
حاضر الشده بغيابج. حاير وطايح بشده
من لزمت بجفي ضلعج صحت ضلعج بيش اضمده

ياوسف حرگو منزلي. والبير ضل ايون الي
ايگلي البگه براسك علي. والحسن دمعته بخده

دم باقي بالبسمار. يشرح مصيبتها
ودخان حرك الدار. يشرح مصيبتها
بخدي الدمع يجري. يبدي الحزن تدري
لو راحت الزهره
****
امشي وتعثر بجدمي. وليل الموادع خذاني
راحت الزهره امن اديه. وراحت وياها الاماني
والفگد اغله الحبايب. غير الدموع اشيتاني

عالزهره حيل اتاثرت. وبس فاركتني شيبت
يم الحسن وينج صحت سهم بعدج صوباني

ماظن ترد وتعود راحت ليالينه
وباب الفرح مسدود. راحت ليالينه
ما ينحمل صبري. ويبدي الحزن تدري
***
اصرخت عالمغتسل صرخه. الصخر حن شفته وتفطر
بيا وكت ماشيل جدمي. وانه شايل باب خيبر
انتجي اعله الحسن ونحب. ويمسح بدمعاتي قنبر

وحسين حيره حيرته. وعاتب الباب بدمعته
وزينب بهمها اتعنته. اتگله ضلع امنه تكسر

فوگ امها راح تموت. اتگطع كلب زينب
ومن شالو التابوت. اتكطع كلب زينب
وصاحت عكس دهري. يبدي الحزن تدري
*****
بيا ذنب مظلومه ماتت. وعالوجن يهمل دمعها
بقوته الظالم عصرها. وحيل عالحايط دفعها
ليش يسطرها اعله خدها. وتنحب الزهره منعها

ضلت اتلوج امن الألم. مظلومه والحيل انهدم
هجمو الما عدهم شيم. وفاطمه اتكسر ضلعها

تاخذ نفس وتكول. ما اكدر اتنفس
ماضن عذابي يزول. ما اكدر اتنفس
ما ينطفي جمري. يبدي الحزن تدري
***
الزهره بجفوفي ادفنتها وشيبت راسي المصيبه
عالگبر قران اقره والگبر اسمع نحيبه
افرك بجفي ونادي. الراح يا دنيه اشيجيبه

ياناس ماتت زهرتي
بدلالي تسعر جمرتي
والباب ون لمصيبتي

رتلت آيات جرحي. وعالگبر شيدت حزني
***
تمت
تحسين الخفاجي

هاي اول مره البيت وحشه يصير من دونج
هاي اول مره حسين حيل اشتاگ لعيونج
**
طير امضيع ادياره. واحبكم يا هلي يصيح
بصحره وعصفت همومي. وتكسر جنحي بالريح
غابه الدنيه تدريها. ومنو اليرحمني اذا طيح
كل يوم بصلاتي ادعي. ودمعتي بخدي تسبيح

موتني الهجر. وسحگ عالجمر
ومن ضيم الزمن اتغيرت اشكثر

بسمار الضلع ما خله دمع
اتفاركنه وبعد. ماضن ننجمع

اغله امن الروح الروح وامن العين يدرونج
هاي اول مره حسين حيل اشتاگ لعيونج
****
بالباب انكسر ضلعج واجه القاتل تشوفين
وقنفذ يمه شمسويه ويسطرج هيجي عالعين
عصرو محسن ابطنج. واخذ كل حيل الحسين
عالحايط سند ضهره. ويبس كلبه امن الونين

راح اجمل اخو. وابابج عدو
ضلعج منكسر. ويجبره منو

الهادي بخطبته. وصه بعترته
والگلهم وان. خان اوصيته

والدفعو باب الدار. أسأل ليش ياذونج
هاي اول مره حسين حيل اشتاگ لعيونج
*****
صحتي فضه سنديني. حزينه وضلعج انصاب
عد اهل العرب صعبه. وجبيره رفست الباب
ليش اليندعي مسلم. شفت نار وحطب جاب
معروفه نوايهم. واكيد امبينه الأسباب

واليضرب مره. مو زلمه تره
هتكو حرمتج. والمدمع جره

بيتج محترگ. وصدرج مختنك
الباب اعله الضلع. وسفه ينطبگ

التمو بالعصره اعليج وتموتين يردونج
هاي اول مره حسين حيل اشتاگ لعيونج
***
مرات الحجي اليهظم. تحسه يلجم الروح
ومرات الحجي الدافي. يناس يداوي الجروح
ليش الاغله من روحك. تخسره بسرعه ويروح
ضليت احسب الموتي بيديه وحلمي مذبوح
افراگج مو سهل. ميت بس عدل
جني بنص بحر. ومجتوف بحبل

ضل يصرخ علي. غيرج ياهو الي
عكبج يم حسن. فارغ منزلي

علي الله بعونه وصاح. الله يكون بعونج
هاي اول مره حسين حيل اشتاگ لعيونج
**
بسمار الضلع باجر. يصير بكربله اسهام
وضلوع ابنج الحافر. يوصلهن للخيام
وزينب تصعد التله. وتضل تجمع بالايتام
باجر راح ابو اليمه. سليب اعله الثره اينام

وابنج ينذبح. وراسه اعله الرمح
الماي بكربله. اعله اوليدج يشح

مرضوض الصدر. وعطره اجمل عطر
وبالخيل الجسد. مسحوگ اشكثر

راح بجتل المظلوم يالحره يفجعونج
هاي اول مره حسين حيل اشتاگ لعيونج
*
تمت
تحسين الخفاجي