قصيدة لاستشهاد النبي عليه الصلاة والسلام
(( عكيلي))

هالليله الهادي يودعونه
حيدر ل يغمضله اعيونه
〰〰〰〰
هالليله الأملاك تحضره
أتون وتجريله.   العبره
حيدر ينحب ويالزهره
بصوت الأحزان يندبونه
〰〰〰〰
هالليله الأملاك لأجله
جرح فراكك بيش نشله
يمثبت الشرع انته واصله
نهجك عمدا ايغيرونه
〰〰〰〰
نادت ياعزنه والينه
ياناشر شرع الله ودينه
هاي الأملاك تواسينه
وحيدر بالهادي يعازونه
〰〰〰〰〰
يادين الله وياشرعه
حيدر وينادي عالبضعه
يدري خلافك راح تفجعه
هاي الامه ويعادونه
〰〰〰〰〰〰
فكدك ألم حيل وأثر
بالزهره والعتره وحيدر
يااخر من بشر وانذر
شخصك مابعد يشوفونه
~~~
الشاعر حسن الجحيشي


https://telegram.me/aabas78
قصائد لكل ايام محرم اشترك بالقناة

عكيلي للرسول (ص)




اتنوح الزهره الليله وتنعه

١

اخر لحظات من العشره
بين الدنيه وبين الزهره
والوالد من ودع عمره
يعني الزهره بدمعه اتودعه

٢

هالليله اتودع والدها
ظلت حزنانه الوحدها
غير الاحزان اشظل عدها
گام اتحس اتموج السبعه

٣

ظلت محتاره بحسرتها
واتنوح بحيرة لوعتها
عالوالد وتصب دمعتها
والوالد يستاهل دمعه
٤

بين الدمعه وبين الحسره
راح اتموت الليله الزهره
والوالد من صار بكبره
اتمنت لو بس يمها اتسمعه

٥

ياوسفه وحست مهضومه
ومن بعد الوالد مالومه
بيها الوالد اثر يومه
وظلت حزنانه ومنفجعه

٦

بتوديع المختار الليله
نتوجه المن نشكيله
للباري بدمعه وندعيله
يقبلنه بهل دنيه الوسعه


لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

https://telegram.me/aabas78
قصائد لكل ايام محرم اشترك بالقناة

استشهاد الرسول ص


راحــه الـمــوت الك ياسيــد الـكـون
عشت موسى ويدور اعليك فرعون
     چم ظلع انكسر..البيه منك اثر
              ياسيد الكون
==================================١
يـا مسمـوم ويگـولـون مـامسمـــوم
ابحيـاتـك وبمماتك سيـدي مظلـوم
يمخلـّف الـزهــره وابتــر يگـولــون
مثل فاطمة ياهي الخلّفت معصوم

    غريبه..اتعيـش ابيت الاحزان
    غريبه..أميـره ابـلايـه تيجـان
    غريبه..الصحابه ألهه عـدوان
               غريبه غريبه

مـاتبچـي عليـك الـدمــع مــرفــوض
تأذّي الناس بيش ام ظلع مرضـوض
  وره الباب انعصر..البيه منك اثر
               ياسيد الكون
==================================٢
خلصــت الـعمــر ويَّ نــاس غــدّاره     
مـثلــك يـا نبــي هجمـوا على داره
وينـوم ولــد بفـراشـه حتـه يعيش
چــاذبحــوك لــو مـا عـلي وفقّــاره

   چبيره..اصحابـك تـدفــع الباب
   چبيره..وگسروا ضلع الـحجاب
   چبيره..وابنهه اوياهـه منصـاب
              چبيره چبيره

ابدارك ماكوا باب اتگضـه الــجذوع
طــــــاح اعله الزچيه وكسر اظلوع
      دم گلبه نثر ..البيه منك اثر
                ياسيد الكون
==================================٣
اتوصّيمن الوادم بـس شكل وادم
چم واحـد يتبعك مـن متت نادم
گالـوا هبل يرجـع وبعلـي نفـديــه
ثـار الـهم اويــآ لصنامهــم هــادم

  عجيبه..الـوصّيته ابعلي خان
  عجيبه..طلع مو بشر شيطان
  عجيبه..يهــدم رگـن الايمـان
           عجيبه عجيبه

البقت كلهه لبن ملجم تــــوصيــــه
اطبـــره لـو علي بالـگعبـــه تلگيــه
  ابمحرابه انغدر..البيهه منك اثار
             ياسيد الكون
==================================٤
السم الباقي منـَّك وصـــل للهـادي
الـضيم الـمر عليكم گبل مـاسـادي
الطشت ماعافكم لچبودكم معميل
بعــدك بالـحســن ذاك الالــم بـادي

    يديره..وجهـه الـگبــرك امـرار
    يديره..الالــم ياكـل بـالاكتــار
    يديره..ابنعش وسهامه الاكثار
               يديره يديره

يمـك ينـدفــن مـاتـرضــه الصحاب
تابـوتــه انتـرس مــن مـات نشــاب
  السهم نعشه فطر..البيه منك اثر
              ياسيد الكون
==================================٥
عـاده الـقتل الكم قول نسمع بيه
لو سـم لو ذبـح ياسيـدي حاچيـه
بس هل مـره كلش تختلف مولاي
اكو واحـد يطلبك ثـار مـامنطيــه

ابحصيره..يلمـونـه امـن الاكتار
ابحصيره..صايـر جسمـه طشار
ابحصيره..شگد ضل امن الزغار
        ابحصيره ابحصيره

حتـه امن انذبح عالـوجـه مگلوب
راسه اعله الرمح والثوب مسلوب
   يگطعون النحر..البيه منك اثر
             ياسيد الكون
==================================٦
متـت وآثارهـم مـاطابــت ابچسمك
ايگول الغسلك منهه اختلف رسمـك
الـوادم ظالـمتكـم ويــن مـا تمشـون
ياسـوگ الـتطبــه ايضـل اثـر دمــك

   الاميره..مثلك مـن تطـب سـوگ
   الاميره..ابحجر يرموهه وحلوگ
   الاميره..تحــن الـحالهـه الــنـوگ
              الاميره الاميره

شلـه اوياكـم السـوگ ويطلب ابثار
ياهوا الي يطب يـــرمـونـه بحجـار
   يضربونه ابحجر..البيه منك اثر
             ياسيد الكون
==========================
✍حيدر الشغانبي

https://telegram.me/aabas78
قصائد لكل ايام محرم اشترك بالقناة

بسرعه خلصن * شهر عاشور وصفر
خوفي ترحـل * ياحبيبي المنتظـر
باقي بس يوم الرســول
خايـف غيابــك يطــول
وين اشوفك * وين اشوفك
ــــــــــــــــــــ
مو لساني يخاطبك گلبي الشجي
خاف مــا عيشن بعد عـام اليجـي
لهالسبب جيت اعله بابك ارتجي
اعليك ضـلع الرضّه حافر اعوجي

العشره الاولى * ندري تگضيها لطم
ولذلــــك * كـل محـرم بــي طـعـم
خاف هالنعــمه تـزول
خايف غيابك يطــول
وين اشوفك * وين اشوفك
ـــــــــــــــــــــ
ويوم عاشر ادري بي تشبع الم
انته گايلها دموعك تجـــري دم
گوه بالركضه تشيل انته الجدم
بعده يخنگ بيك دخان الخيــم

وي ركضتك * خطوه خطوه تضل تعد
ومن ضريحه * يصيحلك عبد الله رد
تأخرت يمته الوصول
خايف غيابك يطــول
وين اشوفك * وين اشوفك
ـــــــــــــــــــــ
ثاني عشره اگضيتها تنوح وتــون
نحت من يوم اهدعش لــم الحزن
وندري يوم اثلطعش بي ممتـحن
احضرت وي زين العباد انته الدفن

وبدفنتـــــه * اضــن ايدك حـاضـره
بصلب جدك * وانته تبچي لخنصره
شگد عليه مرّن خيول
خايف غيابك يطــول
وين اشوفك * وين اشوفك
ــــــــــــــــــــــ
ادري ثالث عشــره وين توجهت
بوسط هاي العشره للغرقد رحت
يم گبر زين العبــاد انتـه گصــدت
بس صحن ماكو لعد وين گعــدت

أرد اسألك * لچــن كاتلـنــي القهـــر
گبره طفته * شلون طفت اعله الصخر؟
انته زرته احنه شــنگول
خايف غيــابك يطــــول
وين اشوفك * وين اشوفك
ــــــــــــــــــــــ
اول العشــره بصفـر لمن يهـــل
موعــدك للشــــام لازم تنـــتقل
يم رقيه تفك اديها من الحــبل
زغيره عمتك عالهجر ما تحتمل

و ابو محمد * يوم سابع ليه ترد
وبالمديــنه * للمآتـــم تســتـعد
وهم تمر اعله عالبتول؟
خايف غيابك يطـــول
يمته اشوفك * يمته اشوفك
ـــــــــــــــــــــــ
وترجع وتلگه المواكب تنّصـب
وتبقى عينك بس تباوع عالدرب
باربعــين حسين عمتك من تطب
تضمها بعيونك عن عيون الغــرب

وانته بيدك * تترس الشارع عبــي
حتـــى زيـنب * تنســى ايام السبي
لأن عمتك بت أصول
خايف غيابك يطــول
وين اشوفك * وين اشوفك
ــــــــــــــــــــــــ
بهذن كلهن جفني صاحي وماغــفه
وشمعي ضل يتاني تحضــر ما طفى
دخيل عندك بس وفاة المصطفى
رايـــدك بـــس هالعــــزاء تشــــرّفه

راح اخلي * عيون گلبي مركـّـزه
بلكي اشوفك * لان هذا آخر عزه
الورد ما يحمل ذبـول
خايف غيابك يطـول
وين اشوفك * وين اشوفك
ـــــــــــــــــــــــــــ


الشاعر مهدي التقي


https://telegram.me/aabas78
قصائد لكل ايام محرم اشترك بالقناة