Алматыда әскери бөлімдердің бірінде сарбаз көп қабатты ғимараттан секіргеннен кейін тексеріс басталды. Бұл жөнінде Ұлттық гвардияның “Оңтүстік” өңірлік қолбасшылығының баспасөз қызметі хабарлады.

“4 қазанда 5571 әскери бөлімінде сарбаз үшінші қабаттан секіріп кетті. Ол қаладағы жедел көмек ауруханасына жеткізілді, тиісті медициналық көмекті алып жатыр” деп жазылған басқарманың хабарламасында.

Қызметтік тексеріс басталған, жай-жапсары анықталып жатыр деп айтылады.

Ведомствоның хабарлауынша, сарбаз әскери борышын өтеп жүрген кезде оған “бейімдеу қабілетінің бұзылуы” диагнозы қойылған. Әскери-дәрігерлік комиссиясының шешімін күтіп жүрген.

Халықаралық көші-қон ұйымының шілдеде жүргізген сауалнамасы осыны көрсеткен. БҰҰ-мен байланысты құрылым 3 қазанда әлеуметтік зерттеудің нәтижесін жариялады. Оған Атырау, Алматы, Қарағанды, Қызылорда, Маңғыстау, Солтүстік Қазақстан, Түркістан, Батыс Қазақстан облыстары мен Алматы, Астана және Шымкент қалаларынан екі мыңнан астам мигрант қатысқан.

Респонденттердің жартысы Қазақстанға нәпақа табу үшін Өзбекстаннан келгендерін айтқан. 12 пайызы — Тәжікстан, 11 пайызы — Ресей, 7 пайызы — Қырғызстан, тағы 7 пайызы — Қытайдан келгендерін айтқан.

Респонденттердің 72 пайызы өздерінің қазіргі қаржылық жағдайларына көңілдері толатынын айтқан.