فاطمة قصة جرح احلامك
————————————————-
سلوة سنينك علي يعصرها باب
بيها بسمار النبت يابو تراب
نزف صدر البسملة ياله العجاب !
و بدت من هل حادثه الالامك
——————————————
فاطمة قصة جرح مايلتئم
بيها حيلك ياعلي ظل منهدم
وسيل دمعك بالجفن ماينلزم
و بيها روحك عايشه بأوهامك
———————————————
بين اديك تشوف فاطمتك تروح
اعليها كلبك ياعلي ينزف جروح
مايعينك صبرك و بالهم تنوح
و اجت يمك تنتحب ايتامك
——————————————-
من السقيفية اجت تحمل حطب
تبت ايده من نسل ابو لهب
دار هاديها تشعله بيا سبب!
بهاي زمرة تدعي اسلامك
—————————————-
اسلامها بس مظهر و بي تنعرف
تشوف باطنها البغض من ينكشف
ياوصف مخجل ولايفيد الوصف
بخت بيها ماتجرده احسامك
——————————————
السانها بس لقلقة بسلطة وطمع
بالرعية ماتهم الجاع وشبع
عينها اسدها لمنو جفه رفع
وبيها امرك مارعوا واحكامك
—————————————
نكبة عدهم لاتزل وقع الغدير
فاطمة اول فدائية تصير
علي الاول بلغه رب القدير
بدمها كتبت تضحية لأعوامك
—————————————
للولاية قدمت فاطم ضلع
بس علي الاول صداها يرتفع
الفحم ميغيره الزمن ماينلمع
هيج زمرة بينتها ايامك

علي موفق القزاز

موشح زهرائي




الزهره بدموع الحزن أرثيها
الليله انعيها و أون وأبچيها

١

الليله احچي للشهيده بالدمع
وأنحب ألها بصوت كسرات الضلع
گلبي ذايب بالحزن مثل الشمع
الليله والعن كلمن امأذيها

٢
بين دفعت بابها وذيچ الدموع
گام يبچي العرش آيات الخشوع
بالسمه يسمعون كسرات الضلوع
والملائك تنحب وتنعيها

٣

ابچي وجروح الگلب تنزف مرار
بين لحظات الألم والانتظار
ليش صدر الزهره مابين الجدار
ينعصر عصره غضب تاليها

٤

اشگد عمرها وتنعصر عصرة غضب
بين نار الفاجعه وذاك اللهب
الها حضرت ناس ماعدها أدب
وحيل مشكوك بنسبها وبيها

٥

الله لا يرحمها گوم الظالمه
البچت بفعلتها اركان السمه
ليش مادرون بيها فاطمه
الطاهره الباري السمه امعليها
٦

بروحي خليت الحبيبه أم الحسن
العاشت اعله الآه بيام المحن
المحسن وكسر الضلع چان الثمن
المثل فاطم حاير اشأنطيها

٧

فاطمه البروح عاشت للأبد
عهد ما أنساها أنطيها عهد
أمي غذتني محبه من المهد
وساكنه بروحي انه امخليها

٨

أرتجي من الزهره وبهاي الحروف
اتعاين اعليه رغم كل الضروف
أقسم اعليها بألم ذيچ الچفوف
عالحوايج تنظر وتگضيها





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

موشح الزهراء





علي من غسل الـزهـره بالدمع
شحال گلبه وأيده مرت عالضلع


مـن اجـه يغـسل حـيـاتـه ودنـيـتـــه
من دمه اعله الـزهـره تنزل دمعـته
اعـليـهـا گام يـون يذوب بحـسرتـه
يـون حگـه بهـل مصاب وينـفـجـع


شاف كـسر الضلع ودموعـه جـرت
والمـلائــك وي عـلـي كلهـــا بچــت
عـنه زهـرة عـمره هالليله ارحلـت
شـلـون وانته اتصوره وبيـا وضع

شلون من تشوف دمعـه والـونين
على الضلع المنكسر حيدر حـزين
هم فگدها وهـم فگـد طـه الامـيـن
هـمـومه بعـد الصار گامت تنجمع


بعـد ماخـلـص وجـاب الها الچـفن
صاح وين حسين وين ابني الحسن
اتــزودوا بـلحـظـات مايتعـوضـن
گـبـل ماجـثـمـان امـكـم يـنــرفــع

رمه بـروحـه الحسن ويناديها گام
يمه بعـدچ كون عـالـدنـيـه السلام
ويمه نـاده حسين بس بـيــا كـلام
بصـوت حـزنـان وابــد مــاينسمع


يمه ارحـمـيني وارحـمـي دمعـتــي
حسين انـه وراح امـوت بحسرتـي
بعـمري شلي وشلي انه بـدنـيـتــي
الـدنيه مابـيـهـا بعــد عـيـنچ نـفــع


الزهره مدت ايدها الحضن الاثنين
وگامت اتشم بيهـم بدمعـت العـيـن
وصاح هاتف ياعلي نحي الحسين
والحسن الامـلاك گـامـت تـنصـدع




لاتنسون والدي ووالدتي وأبني عباس من الرحمه والمغفره خادمكم رياض الرسل الجابري