Бугун вилоят ҳокими Шуҳратбек Абдураҳмонов вилоят ҳудудида фаолият олиб бораётган хусусий мактаблар, мактабгача таълим муассасалари ҳамда хусусий тиббиёт муассасалари раҳбарлари билан очиқ мулоқот ўтказди.

Учрашувда соҳа вакилларининг таклиф ва муаммолари тингланди, уларнинг фаолиятида кузатилаётган ютуқлар ҳамда ҳал этилиши зарур бўлган масалалар муҳокама қилинди.

Мулоқотда шунингдек, муассасаларнинг куз-қиш мавсумига тайёргарлиги, айниқса, ёнғин хавфсизлиги қоидаларига риоя этиш масалаларига алоҳида эътибор қаратилди.

Вилоят раҳбари томонидан тегишли мутасаддиларга муаммоларни жойида ўрганиб, амалий ёрдам кўрсатиш юзасидан топшириқлар берилди.

Andijan.uz|Facebook|Instagram|Youtube|X

Бугун Хонобод шаҳрида аҳолига юқори сифатли тиббий хизмат кўрсатиш имкониятларини янада кенгайтириш мақсадида қайта реконструкция қилинган 100 ўринли тиббиёт бирлашмаси тантанали равишда фойдаланишга топширилди.

Замонавий талабларга тўлиқ жавоб берадиган шифохона таркибида туғруқ, шошилинчи ёрдам, болалар, ички касалликлар, юқумли касалликлар ҳамда қўшимча йўналишлардан иборат жами 6 та бўлим фаолият олиб боради.

Муассаса янги тиббий ускуналар ва замонавий жиҳозлар билан тўлиқ таъминланди. Бу эса касалликларни аниқ ташхис қилиш, тезкор даволаш ва аҳолини юқори савияда тиббий хизмат билан қамраб олиш имкониятини яратади.

Тантанали очилиш маросимида вилоят ҳокими Шуҳратбек Абдураҳмонов иштирок этиб, йиғилганларни янгиланган муассаса билан муборакбод этди.

Вилоят раҳбари ўз сўзида мамлакатимизда соғлиқни сақлаш тизимини такомиллаштириш, аҳолининг тиббий хизматдан қониқиш даражасини ошириш йўлида амалга оширилаётган кенг кўламли ислоҳотлар ҳақида тўхталиб ўтди.

Шу билан бирга, янги имкониятларга эга бўлган тиббиёт бирлашмаси ҳудуд аҳолиси саломатлигини муҳофаза қилишда муҳим аҳамият касб этишини таъкидлади.

Andijan.uz|Facebook|Instagram|Youtube|X