*{{ مـكـفـولـة الـگـمـر 💔 }}*
*{{جروح: أحمد الهلباوي}}*
➖➖➖➖➖
لسماع قصيدة ((مكفولة الگمر -الجديدة-)):
https://t.me/MajalesAlKhaqani/2887
رابط المشاهدة على اليوتيوب:
https://youtu.be/TP1T7Vl6yhU
قناة القصائد المكتوبة للملا محمد باقر الخاقاني:
https://t.me/latmiyyatalkhakani
بالتعاون مع:
https://t.me/AlAbaratAlHosainiya

*{{ دمـعـي مـغـطـي رمـشـي }}*

دمعي مغطّي رمشي
المثلي و يبچي حقّه
لساني يگلّك امشي
وگلبي يكلّك ابقى

يالٱكبر حيّرتني بين الاثنين
أريدك تمشي و تظل يم الحسين
يالٱكبر.. يالٱكبر

1/
مثل حيرة ابوك اليوم
بعمره حسين ما حيران
اول مرّة احس روحي
صدگ متدوهن و خلصان
أكلّك روح بس گلبي
عوفه يگلّي بالصيوان
يـ الاكبر حِلها لحسينك
نريدك آنا و الميدان

بالخيمة يريدك الگلب
و دم نحرك رادته الحرب
صعبة تْظل تمشي هم صعب
گلبي يهم ليك..
يا تعب چفوفي و السهر
يا راحة گلبي و النظر
ردتك بس ما رضى القدر
يمّي يخليك..

مرتين انذبح راد
بأرض الغاضرية
مرّة بسيف الفراگ
ومرّة بسيف أُمية

يهون بصف غيابك ذبحي مرتين
اريدك تمشي و تظل يم الحسين
يالٱكبر.. يالٱكبر

2/
الهوا و لا انت منّي تروح
لغيرك ما تهم العين
عن حسين اذا بعدوك
يوليدي شيظل بحسين
يشتلة بگلبي شاتلها
وساگيك بعيون اثنين
عايف ماي عين حسين
ورايح للعطش يازين

يا اجمل بسمة بالخيم
من تمشي يبين الالم
بعيوني و هم يلاگي هم
باول ممشاك..
يعوضك بالخيمة ياضوه
رد يـ أبني و ردليّ الهوه
لدمّك عطشانه نينوى
و سيوف عداك..

يٱبني و خوفيِ عْليك
وخوفي عْليَّه منّك
تغدر حومتك بيك
ويموتني حزنك

يـ أول حيره ليّه بهاي السنين
اريدك تمشي و تظل يم الحسين
يالٱكبر.. يالٱكبر

3/
يكلفني وداعك حيل
واكبر آه لسنينك
بعد ياراحة ليّه تصير
وآنا الراحته بعينك
يبني الحومة هاي تريد
تاخذ منّي عشرينك
علي و مو للترب و الخيل
وجهك هذا لحسينك

چم سيف بحومتك نطر
عطشان و عينه عالنحر
تراوالي بروحتك صور
طايح مذبوح..
و من توكع يا بدر هلك
تاخذني اجدامي کوه لك
حيْ دمعي و ميّت ٱوصلك
يبني بلا روح..

نِتْلاكه آنا ويّاك
عين بعين يبني
انا لجرحك انعاك
و تنعى انت على حزني

يميّت  ينعى ميّت واحنه عدلين
أريدك تمشي وِتظل يمّ الحسين
يالٱكبر.. يالٱكبر

4/
تدنّى عليَّ اشم حضنك
واروّي بعطرك سنيني
وكض جفوفي بچفوفك
وخلّي عيونك بعيني
اريد اشبع حنان و شوف
منك يبني خليني
اخر ساعة هاي وياك
تبسّم من تحاچيني

ضم دمعك گوه بالجفن
تحمل لا تظهر الحزن
من تزعل گلبي ٱلك يحن
و تفيض العين..
تبسّم بعيوني يا بدر
نسّيني وداعك و كسر
گلبي  و ردّ حيلي والصبر
يا روح حسين

و انت اعذرني لو سال
دمعي و ترس حضنك
مالي بفركتك حـــــال
واخفي دموعي عنك

صبر ما يبقى ليها خلافك العين
اريدك تمشي وِتظل يم الحسين
يالٱكبر.. يالٱكبر

*{{جروح: عباس الشبلاوي}}*

➖➖➖➖➖
لسماع قصيدة ((دمعي مغطي رمشي)):
https://t.me/MajalesAlKhaqani/2886
رابط المشاهدة على اليوتيوب:
https://youtu.be/hXS9LcHqeeY
قناة القصائد المكتوبة للملا محمد باقر الخاقاني:
https://t.me/latmiyyatalkhakani
بالتعاون مع:
https://t.me/AlAbaratAlHosainiya