#جديد

في استشهاد الزهراء عليها السلام

طور :
للملا كرار الكربلائي

رابط الطور

https://youtu.be/GiGIYJwk0MM?si=3FYIuVRgI_W_GDZ1



بذْنيي ونين الزهره ليليه
يحرمني لذة نومي ليليه

يكسر دليلي اغيابها
شفت ابعيوني امصابها
وونتها ليليه
———
طفله واشاهد ما جره نامت صورها ابعيني
امي الزجيه بس تون ونها انزرع بسنيني

خضّر مآسينه الجرت وأثمر حزن وونيني
كل ونه وامصاب انجسم بين الزچيه وبيني
فجعوها بالمختار فجعوها
ومنعوها من النوح منعوها

والهادي اغله احبابها
شفت بعيوني امصابها
وونتها ليليه
———
اعيون النبي ماغمضت وابرفسة فتحوا دارها
بالعتبه شبوه الحطب ووجوا علينه نارها
سر الله بيها استودعه روح النبي ومختارها
لاذت ورا باب الستر ام الستر واسرارها

كسروها بالبسمار كسروها
وابرفسة العدوان سقطوها

ماراعه والله احجابها
شفت بعيوني امصابها
وونتها ليليه
———
صاحت يفضه اتلاحگي حيلي انهدم سنديني
امن العصره روحي اطلعت وراح وفگدته اجنيني

غرقها دم البصدر وآنه الدمع راويني
بعيوني نامت هالصور كل صوره هم تسگيني
محسن حلمنه الشال بفراحه
عشنه العمر بالنوح واجراحه

شيب حزنها اهدابها
شفت بعيوني امصابها
وونتها ليليه
—-

گادوا ابويه ولحگته رجْعَتْ تجر بذْيالها
محزونه تنثر بالاسى ايفَطرْ القلب مانالها
حمره العيون امن السطر ماجف ابد سيالها
مشيتها تُنبيك الجره بسياط سلّوا حالها

محنيه تمشي اشلون محنيه
ابدمعتها قاع الدار مرويه
باب الله امي بابها
شفت بعيوني امصابها
وونتها ليليه
———
محزونه ظلت بس تون ايفَطر إلِگلوب اونينها
مدري لضلعها المنكسر مدري إلأبوها إحنينها
من كثر الاحزان ارحلت إتْوَرَث حزنها ابنينها
شالت گبل هم كربله وگبل الجره لحسينها

اهناك الوعد واشلون تلگاني
وامطرحه ع الغبره خوّاني

وابلايا روس اشبابها
شفت ابعيوني امصابها
وونتها ليليه
———-
#بنت_الشمري

#مكتبة_بنت_الشمري

https://t.me/+INNbAljAHK42MTI8

٢٠٢٥

#جديد
في شهادة الصديقة الكبرى فاطمة #الزهراء عليها السلام
وزن الموشح
طور : إنته حلال المشاكل ، محمد بو جباره
https://youtu.be/kCrM-Xx56yk?si=cMAOiEqm3NckRS6_
طور : طوليت النومه ، موسى البولاني
https://youtu.be/6aMcxFnKapk?si=Z73Ia3Sb95jVcnXW
طور آخر :
https://youtube.com/shorts/ws0N2DCwmSc?si=mMss_f3oM52F5Brk
طور سريع :
https://youtube.com/shorts/6KjkgfmZHpA?si=iN_6rg53oZXcI33M
طور في النعي :
https://youtu.be/9Bt_mXqJemw?si=HUkCzH2ZeASWV1mJ
.
.
زينب بفگد الزچيه اشلونها
يا علي يا علي
تدري كلكم رايح اتخلونها
يا علي يا علي

اشلون دمعة زينب اگبال النعش
ومو جفنها ابشوفته الگلب ارتعش
وهيه ينطـرها بعـد ليـل اهدعـش
وتنتظركـم يـا علي اتجـونـها

اشلون حالتها ونعش أمها سرى
اگبـالها تنـدفـن ويـلي بالثـرى
وترجع لدار الزچيه امحيـره
واعله ثوب أمها تسيل اعيونها

اشلون بيها بأول اسنين العمر
تنكسر آ يـا علي أعظم كسـر
اتشوف أمها غايِبه وسط الگبر
ليش منها يا علي ايحرمونها

تبگه محزونه ويمر بيها الزمان
وبيك تفگد يا علي حضن الأمان
حين راسك ينطبر ويَّـه الأذان
وشيبتك من دمك ايخضبونها

حگها زينب لو بچت مِنَّ الدِمه
ايروح كل غالي عگبها فاطمه
ابابها الخلَّاها ناره مضرمــه
باچر لشام الغدر يسبونها
_
تمت ببركات مولاتي العقيلة عليها السلام
#فاطمة_كريم
٢٠٢٥ م
https://t.me/qasaidfk128

#جديد
في التوسل بأنيس النفوس مولانا الرضا عليه السلام
طور : إنته حلال المشاكل ، محمد بو جباره
https://youtu.be/kCrM-Xx56yk?si=cMAOiEqm3NckRS6_
وزن : الموشح [ جميع أطوار الموشح ]
.
.
يالرضا أنخاك يا نِعمَ المُعين
يا علي يا علي
يا أنيس الروح وابحق الحُسين
يا علي يا علي

يالرضا أنخاك من درب البعيد
اعليك ما يصعب يمولاي الشديد
نظره لينه ابجدك الظامي الشهيد
الظل على التربان مگطوع الوتين

سيــدي أنخــاك يـا ثـامن إمـام
دمعي يحچي وضايع بصدري الكلام
من بعيد لحضرتك أبعث سلام
من گلب يا سيدي حاير حزين

يا رؤوف ابذكرك اتطيب الجُروح
وگلبي مني لحضرتك زاير يروح
الليله عند بابك معاناتي أبــوح
وليك أشكي سيدي اهموم السِنين

يالرضا أنخاك وابحگ الجواد
وإنته أبو باب الحوائج والمُراد
مسحه منك سيدي اتداوي الفؤاد
اتشافي اجروحي وتِسَكِّن لي الونين

بعمتك زينب نخيتك يا غريب
ياللي دوم اعليها گلبك ما يطيب
لدعوتي آ يا إمامي تستجيب
وخاطر العباس مگطوع اليمين

يا أنيس اللي يجيلك منكسر
بعطفك اتداويه وايرد منجبر
وآنه جيت وحاشه والله تعتذر
بفاطمه وابجاه أمير المؤمنين
_____
#فاطمة_كريم
٢٠٢٥ م
https://t.me/qasaidfk128

#جديد
في التوسل بباب الحوائج مولاتنا #أم_البنين عليها السلام
طور : الدنيا ما ترحم ، ملا باسم الكربلائي

.
.

يم البنين ابدُعائچ تِفْرَج أحزاني
ابابچ أنادي يَيُمه جيت إلچ عاني

گلبي شوفي همه .. ادخيلچ آ يَيُمه
جيت إلچ عاني

يَيُمه ابابچ اتهون المشاكل
تِهون وتنگضي كل المسائل
وأنا ابدمعي إجيت الليله سائل
لخاطر زينب وخاطر بو فاضل

بعينه ويمينه رجيتچ هالمسه نظره
يا يمه حالي دعائچ هُوَّه لـيــ ايغيره

عندي چم مهمه .. ادخيلچ آ يَيُمه
جيت إلچ عاني
.
.
المريض ابابچ ايلاگي عِلاجه
والمهمـوم عنــدچ انفـراجـه
والضايع ضوا اسمچ سِراجه
وانا هالليله جيت وعندي حاجه

هالشده عندچ يَــ أم الأربعه حلها
بجاه العقيله عليچ او جاه كافلها

السايل ويلي دمَّه .. ادخيلچ آ يَيُمه
جيت إلچ عاني
.
.
دخيلچ يُمه يا غـوث المحبين
تِحِضْرين المسه يمنه تِحِضْرين
وجرحنه بعينچ الليله تشوفين
محتاجيـن نظــره يـم الإبنيـن

گلب اللي ينخاچ يَيُمه فزعتچ رايد
سهله الشدايد عليچ وكل جرح چاید

گلبي شوفي سهمه .. ادخيلچ آ يَيُمه
جيت إلچ عاني
.
.
أعرفچ آ يــا مولاتي حنينه
المحب الحاير انتي اتساعدينه
والمكسور گلبــه تجبـريــنه
نخيتچ هالمسه بدمع الحزينه

بالزهره أنخاچ وأريد الليله نظراتچ
وإنتي اللي طول الزمن معروفه وگفاتچ

وابأعماقي كلمه .. ( ادخيلچ آ يَيُمه )
جيت إلچ عاني
_____
تمت ببركات مولاتي أم البنين عليها السلام

#فاطمة_كريم
٢٠٢٥ م
https://t.me/qasaidfk128

#جديد
في التوسل بشباب الحسين مولانا علي الأكبر عليه السلام
طور : سلام الله على حسين ، علي حمادي
https://youtu.be/0JXPFiPznW0?si=B40cYAmmTt4Xf4sC
.
.

إجيت وگلبي يسعر
أنادي آ يالأكبر

يالمذبوح في أول شبابه
ما رد واحد اليتعنه بابه
إجيت بجرح گلبي وابعذابه
وأريد الليله من عندك إجابه

تحل أمري التِعسَّر
أنادي آ يالأكبر

عليك ابدمعة احسينك يالأكبر
حين الشاهدك ويلي اموذر
وطلعة عمتك مولاي بالبر
حزينه وصارِخَه إحضر يحيدر

إلك ويلي اتحسّر
أنادي آ يالأكبر

بجرح ليله عليك وكل دمعها
بحزنها وكل مآسيها ووجعها
روحي ابنظرِتك غَيِّر وضعها
ابجاه الكسِّروا ليها ضلعها

رِدِت حالي ايتغيَّر
أنادي آ يالأكبر

الوِگف بأعتابك ودمعاته هَلها
يِلاگي حتماً لحاجاته حلها
وأنا روحي ترى ابابك أملها
رجيتك خاطر الذبحوا أهلها

وسبيه تمشي بالبر
أنادي آ يالأكبر

عسيره الحاجه بس ابابك اتهون
خصوصاً لو قِسَمْت اعليك بأم عون
وحگها الليله فرِّحها هالعيــون
وأرِد ابابك أصرخ والله ممنون

كريم او مَِـتْعذَّر
أنادي آ يالأكبر
____
تمت ببركات مولاي الأكبر روحي فداه
#فاطمة_كريم
٢٠٢٥ م
https://t.me/qasaidfk128

#جديد
في التوسل بالإمام الحسين والإمام المهدي عليهما السلام
طور : سافر مركبي ، أحمد الفتلاوي
https://youtu.be/jbYBUXd0Otw?si=MJ-hVawP5GaykgAC
.
.
على بابك يبو اليمه أبث اهمومي وأحزاني
كسير وأدري ما لحظه حنانك والله خلاني
أسولف يمك اجروحي وانا ادري حاشه تنساني
إجيتك وأرتجي نظره المسه من گلبك الحاني

ظامي وتِروي كل ظامي يالمـا منسگي گطره
وإنته التِجْبر المكسور وإنته المنهشم صدره
عليك ابخاطر النادت على التل واهيا متحيره
تعاين سيدي لحالي يا بو اليمه بس نظره

دُموعي تجري للظامي وگلبي اينادي يا مهدي
وحگك سيدي حاير يا جرح الـــ إلك أبدي
اعله گلبي همي اتراكم وصارت دنيتي ضدي
إلك يا سيدي محتاج وغيرك تدري ما عندي

مشتاگ الگلب تدري وتدري الفرگه ما ترحم
وبغْيابك وحگ عينك شفنه سيدي كل هم
وجمرة فرگتك مولاي مثل جمرات الإمخيم
تجينه يمته يالشُوفك يِغيِّر حالة المُعــدَم
__
تمت بمدد مولاي الحسين عليه السلام

#فاطمة_كريم
٢٠٢٥ م

https://t.me/qasaidfk128