Қасым-Жомарт Тоқаев Ильхам Әлиевтің шақыруымен 6-7 қазан күндері Түркі мемлекеттері ұйымына мүше елдер басшылары кеңесінің ХІІ саммитіне қатысу үшін Әзербайжанға сапармен барады.

Бізге жазылыңыз -> t.me/atamekenbusiness_qaz

Еңбек министрлігі 2026 жылдан бастап Мемлекеттік әлеуметтік сақтандыру қорынан берілетін екі әлеуметтік төлем мөлшерін арттыруды жоспарлап отыр. Бұйрық жобасында көрсетілгендей, еңбекке қабілеттіліктен және асыраушысынан айырылғандарға төленетін төлем мөлшері 2025 жылғы деңгейден 10% артады.

Құжатты жария талқылау мерзімі – 20 қазанға дейін.

Бізге жазылыңыз -> t.me/atamekenbusiness_qaz

Ел тұрғындардың жартысынан астамы артық салмаққа ие. Денені май басу проблемасымен көбіне әйелдер душар болатын көрінеді. Қазақ тағамтану академиясы жүргізген зерттеулерге сәйкес, әйелдер арасындағы семіздік 55% тең. Ал ерлердің 48% толық екен. Осы орайда артық келіден құтылу жолында диетаны «әне бастаймын, міне бастаймын» деп, түбінде, әйтеуір, бастағандар финишқа жете алмай орта жолдан құлқынның құрбаны боп, әуелгі әуеніне басады. Алайда сымбатты дене бітіміне қол жеткізу Айдос Ибрагимның қолынан келді. Ол чат джпитидің көмегімен арықтаған.

Бізге жазылыңыз -> t.me/atamekenbusiness_qaz

Қазақстанда сатушылар қолма-қол ақшаға алғанда бір баға, бөліп төлеуге сатып алынған жағдайда екінші баға көрсетуге міндеттелді. Сауда және интеграция министрі тиісті құжатқа қол қойды. Бұйрық 11 қазаннан бастап күшіне енеді.

«Сатушы (оның ішінде интернет-дүкен) сатып алу-сату шартын жасасар алдында тұтынушыға тауарды өз қаражаты есебінен бөліп төлеу арқылы өткізу және бір реттік төлем арқылы өткізу кезінде оның бағасын бөлек көрсете отырып, тауар (жұмыс, көрсетілетін қызмет), оның құны, төлем рәсімі, жеткізу шарттары мен құны, кепілдік мерзімі (ол болған кезде) туралы ақпарат береді», - делінген бұйрықта.

Бізге жазылыңыз -> t.me/atamekenbusiness_qaz

Қаржы мониторингі агенттігі цифрлық активтерді заңсыз өндіруге қарсы жүйелі жұмыстар жүргізуде. 2024 жылдың басынан бері жалпы 1,3 млрд теңгеге залал келтірген 17 қылмыстық іс тіркелді. Ең жиі анықталған заңсыз майнинг фермалары Астана қаласында – 6, Шымкент пен Қостанайда 3 жағдайдан тіркелген.

Аталған істер аясында 642 мың доллар көлеміндегі цифрлық активтер тәркіленді.

Кейбір заңсыз майнинг фермалары электр энергиясын ұрлау арқылы жұмыс істеген (5 ферма). Олардың тұтынған энергия көлемі ірі қаланың шығынына тең.

Мемлекеттік кірістер комитетінің дерегінше, соңғы үш жылда майнинг саласынан бюджетке 17 млрд теңгеден астам қаражат түскен. Бұл салаға тиімді реттеу қажеттігін көрсетеді.

Агенттік Қазақстанда майнингпен айналысу тек лицензия болған жағдайда ғана рұқсат етілетінін еске салады.

Бізге жазылыңыз -> t.me/atamekenbusiness_qaz

Криптовалюта бағасымен қатар, осы салаға қатысы бар компаниялардың акциялары да қымбаттап жатыр. Бұған 1 қазанда АҚШ федералдық үкіметінің өз жұмысын уақытша тоқтатуы себеп болған. Қазан айы биткоин үшін табысты ай болып саналады. Соңғы он жылда осы уақытта BTC бағасы үнемі өсіп отырған.

Бұған дейін тамыз айының ортасында криптовалюта бағасы тарихи межені бағындырып, 124 мың долларға жеткен.

Бізге жазылыңыз -> t.me/atamekenbusiness_qaz

Бұл туралы министр Ерлан Әккежанов пен Әзербайжанның өнеркәсіп және энергетика министрі Парвиз Шахбазовпен Астанада өткен Kazenergy Week – 2025 аясындағы келіссөздерде мәлім болды.

2023 жылы бұл бағытпен 1,06 млн тонна мұнай жеткізілген. Министр Әккежановтың айтуынша, Ақтау–Баку–Джейхан бағыты ел үшін стратегиялық мәнге ие. Сонымен қатар, Баку–Супса бағыты резервтік арна ретінде сақталмақ.

«ҚазМұнайГаз» басқарма төрағасы Асхат Хасеновтің дерегінше, 2025 жылы Баку–Тбилиси–Джейхан құбырымен 1,2 млн тонна мұнай жөнелтіледі. Тараптар алдағы уақытта көлемді 1,5–2,2 млн тоннаға дейін ұлғайту мүмкіндігін талқылауда.

Баку–Тбилиси–Джейхан құбыры ұзындығы 1,7 мың шақырым болады және жылына 50 млн тоннаға дейін мұнай өткізе алады. Қазақстан үшін бұл бағыт экспортты әртараптандыру мен әлемдік нарықтарға тұрақты қолжетімділікті қамтамасыз етуде маңызды рөл атқарады.