☑️ Қишлоқ хўжалиги тадбиркорлиги: даромадни кўпайтириш учун ўз вақтида ва сифатли экиш тавсия этилаяпти

Бугунги кунда глобал миқёсда озиқ-овқат маҳсулотларига бўлган талаб ортиб бораётган, хавфсизлик муаммоси кун тартибига чиқиб бораётган бир пайтда, қишлоқ хўжалигида мавжуд ресурслардан самарали фойдаланиш ва юқори ҳосил олиш масаласи муҳим аҳамият касб этмоқда. Айниқса, ғалла етиштириш соҳасида амалга оширилаётган кенг кўламли ислоҳотлар, кластерлар ва фермер хўжаликларининг масъулият билан ёндашуви, мамлакатимиз озиқ-овқат хавфсизлигини таъминлашда ҳал қилувчи ўрин тутаяпти. Янги Ўзбекистоннинг 2025 йилдаги улкан ғалла хирмони ҳам айнан ана шу саъй-ҳаракатларнинг мевасидир.

Соҳадаги энг катта ислоҳотлардан бири – 2020 йилдан бошлаб давлат буюртмаси асосида ғалла етиштириш амалиёти бекор қилиниб, фермерлар учун бозор механизмларига асосланган эркин фаолият юритиш имконияти яратилди. Имтиёзли кредитлар, эркин харид-сотув имкониятлари, ресурсларни танлашдаги эркинлик – буларнинг барчаси фермер хўжаликларининг манфаатдорлигини оширди. Шунингдек, ҳар йили кенгайиб бораётган сув тежовчи технологиялар ҳам ҳосилдорликка ижобий таъсир кўрсатмоқда.

2025 йилнинг ўтган тўққиз ойида қишлоқ хўжалиги субъектлари учун бир қатор имтиёз ва енгилликлар берилди. Жумладан, солиқ қарздорлиги бўйича пенялар ҳисобдан чиқарилди, ер солиғида камайтирувчи коэффициентлар жорий этилди, юқори ҳосилга эришган фермерларга рағбатлантирувчи чоралар қўлланди. Бундан ташқари, 5 гектардан ортиқ ерга эга хўжаликларга қайта ишлаш, қадоқлаш ва сув сақлаш инфратузилмаларини яратишга рухсат берилди. Бундай имкониятлар нафақат ҳосилдорликни, балки қишлоқ жойларда бандликни ҳам оширишга хизмат қилмоқда.

2026 йилда ҳар гектардан 80–100 центнер ҳосил олиш вазифаси қўйилган. Бу мақсадга эришиш учун илмий асосланган тавсияларга амал қилиш талаб этилади. Миллий билим ва инновациялар маркази ҳамда Фермерлар кенгаши мутахассислари томонидан берилган тавсияларга кўра, ерни сифатли ҳайдаш, шўрларни ювиш, намликни сақлаш, фосфорли ва калийли ўғитлар қўллаш, махсус техника ёрдамида сифатли экиш каби чора-тадбирлар ўз вақтида ва тўлиқ бажарилиши шарт. Ушбу чора-тадбирлар орқали фермер ва кластерлар ҳамкорлигида нафақат ҳосил кўпаяди, балки мамлакатнинг озиқ-овқат хавфсизлиги ҳам кафолатланади.

https://uza.uz/posts/766369

@a_xaitov

☑️ ЎзЛиДеП фракцияси аъзолари ҳудудларни ижтимоий-иқтисодий ривожлантириш дастурлари ижросини ўрганди

Иссиқ кунлар тугаб, куз фаслининг илк ойи ҳам охирлади. Энди кунлар совий бошлаётир. Аҳоли тураржойлари, мактабгача, мактаб ва олий таълим муассасалари, тиббиёт масканлари мавсумга қай даражада шай? Янги ўқув йили қандай давом этяпти? Тадбиркору фермерлар, томорқачиларга қандай ёрдам керак? Бу каби долзарб масалаларни жойида бориб ўрганиш ва аҳолини тинглаб, дардига дармон бўлиш мақсадида Олий Мажлис Қонунчилик палатасидаги партиямиз фракцияси аъзолари айни кунларда ҳудудларда сайловчилар билан учрашиб, мулоқотда бўлишяпти.

👉 “XXI asr” газетасининг 2025 йил 1 октябрь сонидан.

@a_xaitov

☑️ Муҳтарам муаллим ва мураббийлар, азиз устозлар!

Сиз азизларни, таълим соҳасида меҳнат қилаётган барча устозларни умумхалқ байрами – Ўқитувчи ва мураббийлар куни билан самимий табриклайман!

Сиз борсизки, ҳаётимиз нурафшон, эртанги кунимиз — фарзандларимиздан кўнглимиз тўқ. Билимли ва истеъдодли навқирон авлодни тарбиялаш борасидаги заҳматли меҳнатингиз ҳар қанча таҳсинга лойиқ. Чунки сизларнинг жонкуярлигингиз боис зукко, билимли ва бунёдкор авлод тарбия топмоқда.

Буни давлатимиз раҳбари Устоз ва мураббийлар куни арафасида бўлиб ўтган мулоқотда яна бир карра таъкидлаб ўтдилар. Мулоқотда сизларнинг мамлакатимизни минтақавий таълим ва илм-фан хабига айлантириш йўлидаги хизматларингиз муносиб эътироф этилди.

Азиз устозлар, илм йўлидаги меҳнатингиз, сабр-тоқатингиз ва берган билимларингиз ҳар доим қадрли ва баракали бўлсин!

Сизларни айём билан яна бир бор табриклаб, барчангизга сиҳат-саломатлик, бахт ва омад, хонадонларингизга файз-у барака тилайман.

@a_xaitov

☑️ Маҳалла фаолларига мамлакатимизда олиб борилаётган халқчил ислоҳотларнинг моҳияти етказилди

Сурхондарё вилоятида ўрганишлар олиб бораётган ЎзЛиДеП ишчи гуруҳи Музработ туманидаги Ал Ҳаким ат-Термизий маҳалласи фуқаролар йиғинида маҳалла еттилиги ва оқсоқоллар билан самимий мулоқот қилди. Улар билан аҳолининг турмуш тарзи, бандлиги ва мавжуд муаммолар ҳақида фикр алмашилди.

Маҳаллада 3152 нафар аҳоли истиқомат қилади. Ҳудудда аҳолини камбағалликдан чиқариш учун субсидия ва ссудалар ажратиш, имтиёзли кредитлар берилиши оқибатида бугунги кунга келиб 211 нафар фуқаронинг бандлиги таъминланди. Хонадонларда ўзини ўзи банд қилаётган кичик тадбиркорлар сафи кенгаймоқда.

— Маҳалламизда мавжуд 10 та ички кўчаларнинг қарийб 95 фоизи “опен бюджет” маблағлари асосида асфальт қопланди. Маҳалла ёшлари учун катта спорт стадиони янгитдан қуриб битказилди. ЎзЛиДеПнинг “Фаровон оила”, “Ишбилармон аёл” лойиҳалари доирасида маҳалламизда тадбиркор аёллар сони кўпаймоқда. Бундай ўзгаришлардан биз кексалар ҳам, маҳалла аҳли ҳам барчаси мамнун. Бу ҳам бўлса, давлатимиз раҳбари олиб бораётган тўғри сиёсат натижасидир, — дейди маҳалла оқсоқоли Бозор Маҳмудов.

Шунингдек, мулоқотимизда ўтган ҳафтада Наманган шаҳрида бўлиб ўтган “Камбағалликдан фаровонлик сари” III халқаро форуми ва унда давлатимиз раҳбарининг маърузаларини мазмун-моҳияти тушунтириб ўтилди. Таъкидланганидек, Ўзбекистонда камбағалликка қарши кураш давлат сиёсати даражасига кўтарилди. Изчил чора-тадбирлар туфайли сўнгги йилларда 7,5 миллион нафар аҳоли камбағалликдан чиқарилди, 2024 йилда бу кўрсаткич 8,9 фоизга туширилди. Йил якунигача камбағаллик даражасини 6 фоизга пасайтириш, 2030 йилга бориб эса мутлақ камбағалликка барҳам бериш мақсад қилинган.

Бу борада воҳада ҳам тизимли ишлар йўлга қўйилган бўлиб, аҳолини камбағалликдан чиқариш, ишсиз ёшлар ва хотин-қизларни турли касбларга ўргатиш, тадбиркорлик ва ишбилармонлик кўникмаларини шакллантириш орқали бандлигини таъминлашга эришилмоқда.

Мулоқот давомида сайловчиларимиз мамлакатимизда инсон қадри тамойили асосида олиб борилаётган ислоҳотлардан мамнун эканликларини айтиб ўтишди.

@a_xaitov

Ўтаётган ҳафта Ўзбекистон Президенти Шавкат Мирзиёевнинг Нью-Йоркка тарихий ташрифи билан ёдда қолади. АҚШ Президенти Дональд Трамп билан учрашув Ўзбекистон-АҚШ стратегик шериклигини мустаҳкамлаш учун янги истиқболлар очди, БМТ Бош Ассамблеяси сессиясидаги нутқда эса глобал муаммоларни ҳал қилишга қаратилган муҳим ташаббуслар илгари сурилди.
—
Уходящая неделя запомнится историческим визитом Президента Узбекистана Шавката Мирзиёева в Нью-Йорк. Его важнейшими событиями стали встреча с Президентом США Дональдом Трампом, открывшая новые горизонты для укрепления узбекско-американского стратегического партнерства, а также участие в сессии Генассамблеи ООН, на котором прозвучали важные инициативы Узбекистана по решению глобальных вызовов.

Facebook|Instagram|X

Дунёдаги энг нуфузли ва энг кўп иқтибос келтириладиган "The Lancet" тиббиёт журналида мақола чоп этилиши Ўзбекистон илмий ва гуманитар ташаббусларнинг глобал харитасида муносиб ўрин эгаллаётганининг ёрқин далилидир.

"The Lancet" - етакчи экспертлар, ҳукуматлар ва халқаро ташкилотлар эътиборидаги нашр. Унинг саҳифаларида мақола чоп этилиши мавзунинг нафақат юқори илмий қиймати, балки жаҳон кун тартиби учун долзарблигини англатади.

Мақолада айнан Ўзбекистон болалар ўртасидаги онкологик касалликларга қарши курашиш, замонавий тиббиётни ривожлантириш ва халқаро ҳамкорликни мустаҳкамлаш борасида тизимли ишлаётган давлат сифатида бошқа мамлакатларга ўрнак қилиб кўрсатилгани алоҳида аҳамиятга эга.

Хусусан, Президент Шавкат Мирзиёев фармонига биноан Болалар саратонига қарши курашиш миллий стратегияси қабул қилингани, Тошкент шаҳрида Болалар саратони бўйича халқаро академик хаб ташкил этилаётгани қайд этилган.

Шу тарзда, "The Lancet" журналида чоп этилган мақола Ўзбекистоннинг жадал ривожланаётган, очиқ ва масъулиятли давлат сифатида обрўси ошиб бораётганини ва глобал муаммоларни ҳал этишга салмоқли ҳисса қўшишга қодир эканлигини тасдиқлайди.
—
Публикация статьи в авторитетнейшем и самом цитируемом медицинском журнале мира The Lancet является ярким индикатором того, что Узбекистан уверенно занимает достойное место на глобальной карте научных и гуманитарных инициатив.

The Lancet – это издание, к которому прислушиваются ведущие эксперты, правительства и международные организации. Попадание материалов в его страницы означает признание не только высокой научной ценности, но и актуальности поднимаемых тем для мировой повестки.

Особо важно, что в статье именно Узбекистан ставится в пример другим странам – как государство, которое предпринимает системные шаги в сфере борьбы с онкологическими заболеваниями у детей, развития современной медицины и укрепления международного сотрудничества.

В частности, отмечаются такие действия нашей страны, как принятие указом Президента Шавката Мирзиёева Национальной стратегии по борьбе с детским раком, создание в Ташкенте Международного академического хаба по детскому раку.

Таким образом, публикация в The Lancet служит свидетельством возрастающего авторитета Узбекистана как динамично развивающегося, открытого и ответственного государства, способного вносить весомый вклад в решение глобальных задач.

Facebook|Instagram|X