كتير مننا بيعيشوا حياتهم وهم خايفين يجربوا أي حاجة جديدة، أو حتى يكملوا في طريق بدأوه، بس علشان فكرة واحدة مسيطرة عليهم: "أنا ممكن أفشل"، في ناس بتفضل إنها ما تبدأ أي شيء أصلاً، أو إنها تتراجع في نص الطريق، بس علشان ما تواجه احتمال الفشل، بيشوفوا الفشل كنهاية للعالم، مش كخطوة طبيعية في طريق التعلم والنمو.

أمثلة بتحصل يومياً:
• بنأجل أحلامنا وطموحاتنا خوفاً من إننا ما ننجح فيها.
• بنرفض فرص عمل أو دراسة جديدة لأننا بنخاف ما نكون قد المسؤولية.
• بنمتنع عن تجربة هوايات أو مهارات جديدة علشان ما نظهر بمظهر سيء قدام الناس.

ليه ده بيحصل؟
الأمر غالباً بيرجع للتجارب السابقة أو طريقة التنشئة.
ممكن تكون اتعرضت لانتقاد شديد لما فشلت في حاجة وأنت صغير، أو يمكن شفت ناس حواليك بيتم الحكم عليهم بقسوة بسبب أخطائهم، فعقلك الباطن إستنتج قاعدة إن:
"الفشل مؤلم ومخجل، لازم أتجنبه بأي ثمن"
المشكلة إن المعتقد ده لما يستمر لمرحلة البلوغ، بيشتغل بشكل أوتوماتيكي حتى لو ما بقى منطقي، إنت دلوقتي شخص قادر على التعلم والتكيف، والفشل ما بقى نهاية المطاف، لكن عقلك القديم لسه شغال بنفس البرمجة القديمة والقاعدة دي بتستمر لحد ما يحصل موقف قوي أو وعي جديد يكسرها، ولو ما حصل، بترافقك في كل مراحل حياتك.
إيه اللي بيحصل لما تحاول تكمل في النمط ده "تجنب الفشل" ؟
• حاتعيش في منطقة الراحة بتاعتك، وحاتفقد فرص النمو والتطور اللي ممكن تغير حياتك.
• حاتفقد ثقتك بنفسك وقدراتك، لأنك ما بتدي نفسك فرصة تثبت إنك ممكن تنجح.
• حاتحس بالندم على الفرص اللي ضاعت، والأحلام اللي ما تحققت.
إشارات بتدل إنك واقع في الفخ ده:
• بتتردد كتير قبل ما تاخد أي خطوة جديدة.
• بتفضل البقاء في الوضع الراهن حتى لو كان غير مريح.
• بتنتقد نفسك بشدة على أي خطأ بسيط.
• بتخاف من رأي الناس فيك لو ما نجحت.

من منظور أعمق:
الخوف من الفشل مش مجرد شعور، هو آلية دفاعية قديمة كانت بتحميك من الألم أو الإحراج، لكن دلوقتي شخصيتك اختلفت، بقيت ما محتاج تتجنب كل تجربة ممكن يكون فيها احتمال للفشل علشان تكون شخص كويس، اللي محتاجه دلوقتي إنك تغير نظرتك للفشل، وتعتبره جزء طبيعي من رحلة التعلم والنجاح.

كيف تطلع من الفخ ده؟
قبل ما تبدأ، حدد أسوأ سيناريو ممكن يحصل، وحاتكتشف إنه غالباً مش بالسوء اللي كنت متخيله.
1.ابدأ بخطوات صغيرة، وحاول تتقبل الأخطاء كجزء من العملية.
2.ركز على التعلم من التجربة، مش على النتيجة النهائية بس.
3.ذكر نفسك إن كل الناجحين مروا بتجارب فشل كتيرة قبل ما يوصلوا.
4.أمثلة عملية:
• بدل ما تخاف تبدأ مشروع كبير، ابدأ بخطوات صغيرة ومحددة.
• بدل ما تتجنب التحدث أمام الجمهور، ابدأ بالمشاركة في نقاشات صغيرة.
• بدل ما تتجنب تعلم مهارة جديدة، خصص وقت يومي بسيط للتدريب عليها.
الخلاصة:
الخوف من الفشل بيسرق منك فرص كتيرة في الحياة، فلما تتقبل إن الفشل جزء من النجاح، حاتتحرر من قيودك وحاتقدر تحقق حاجات ما كنت بتتخيلها.
خليك عارف إن قيمتك ما بتجي من عدم الفشل، لكن من قدرتك على المحاولة والتعلم والاستمرار.

#راحة_بالك_بتبدأ_منك.
محمد عمر.

البوست الثالث من سلسلة "راحة بالك بتبدأ منك"

"واحد من أكبر أسباب الإرهاق النفسي… إنك تحاول ترضي كل الناس في نفس الوقت"

في ناس مفكرة: "إنها لو تخلت عن حدودها، وأفكارها، ومعتقداتها، وتفاصيلها الشخصية، حاتكون مقبولة أكتر عند غيرها".
فبتلقى الشخص بيعمل كل شيء علشان ينال رضا غيره، لكن ما بيعمل أي حاجة علشان يكسب احترام نفسه.
أمثلة بتحصل يومياً:
• ما بنقدر نرفض طلب لزول علشان ما يزعل.
• ما بنوقف أي شخص عند حده خوفاً من إنه ياخد موقف ضدنا.
• ما بنحدد خياراتنا أو حتى شكل لبسنا "في الحدود المباحة" بدون ما نستأذن أو ناخد رأي غيرنا خوفاً من الرفض.

ليه ده بيحصل؟
الأمر غالباً بيرجع للطفولة. طريقة التنشئة بتلعب دور كبير:
"ما تعمل كده، فلان حايقول عنك شنو" أو "اعمل كده علشان تبقى شاطر"، الطفل بيتعلم من بدري إن القبول مش مجاني، ولازم يدفع ثمنه بالتنازل عن جزء من شخصيته.
فعقله الطفولي بيستنتج قاعدة:
> "لازم أتنازل عن جزء مني علشان أكون محبوب وآمن"
المشكلة إن المعتقد ده لما يستمر لمرحلة البلوغ، بيشتغل بشكل أوتوماتيكي حتى لو ما بقى منطقي، إنت دلوقتي شخص بالغ، أمانك ما بقى معتمد على رضا كل الناس عنك، لكن عقلك القديم لسه شغال بنفس البرمجة القديمة والقاعدة دي بتستمر لحد ما يحصل موقف قوي أو وعي جديد يكسرها، ولو ما حصل، بترافقك في كل مراحل حياتك.

إيه اللي بيحصل لما تحاول تكمل في النمط ده "أرضاء الجميع" ؟
• حاتوزع طاقتك على حاجات مش مهمة، لحد ما تستهلك نفسك وتفقد القدرة على إنجاز أبسط مهامك.
• حاتفقد هويتك لأنك حاتعيش على توقعات غيرك، ما بتعرف إنت عاوز إيه، أو بتحب وبتكره شنو، أو حتى شنو البميزك.
• حتى الناس اللي بتحاول ترضيهم، ممكن ما يرضوا لأن توقعاتهم ما بتخلص.

إشارات إنك واقع في الفخ ده:
• بتقول "نعم" تلقائياً بدون تفكير.
• بتحس بالذنب لو رفضت أي طلب.
• بتحس بالضغط حتى من الالتزامات الصغيرة.
• بتتجنب المواجهة بأي طريقة.

من منظور أعمق:
إرضاء الجميع مش عادة بسيطة، هو استراتيجية بقاء قديمة كانت منطقية في طفولتك لأنها بتحميك، لكن دلوقتي شخصيتك اختلفت، بقيت ما محتاج موافقة الكل علشان تكون شخص كويس.
اللي محتاجه دلوقتي إنك تحدد أولوياتك، تحط حدود واضحة، وتتعلم تقول "لا" أحياناً علشان تحافظ على احترامك لنفسك.

كيف تطلع من الفخ ده؟
1. قبل ما توافق، اسأل نفسك: "هل ده فعلاً مناسب لوقتي وطاقتي؟".
2. ابدأ برفض مواقف صغيرة علشان تعود عقلك إن الرفض آمن.
3. ضع حدود واضحة وشاركها مع الناس القريبين منك.
4. ذكر نفسك إن إرضاء الكل مستحيل مهما حاولت.

أمثلة عملية:
• بدل حضور كل مناسبة، احضر اللي فعلاً تهمك.
• بدل قبول كل شغل إضافي، ركز على اللي بيخدم أهدافك.
• بدل محاولة تلطيف كل نقاش، عبّر عن رأيك بوضوح واحترام.

الخلاصة:
إرضاء الجميع هدف مستحيل، ومطاردته بتستنزفك وتفقدك نفسك. الراحة الحقيقية بتبدأ لما تدرك إن قيمتك مش جاية من رضا الآخرين، لكن من انسجامك مع ذاتك.

في البوست الجاي، حانتكلم عن "الخوف من المواجهة" وليه بيخليك تكبت مشاعرك، وكيف تواجه المواقف الصعبة وتحافظ على احترامك لنفسك.

#راحة_بالك_بتبدأ_منك.
محمد عمر