Йўриқнома — бу ишчига ўз вазифасини хавфсиз ва тўғри бажариш учун берилган расмий кўрсатма. Унда меҳнат муҳофазаси, хавфсизлик техникаси ва иш шароитига оид талаблар тушунтирилади.

Йўриқномалар 2 турга бўлинади:

1. Кириш йўриқномаси;
2. Иш жойидаги йўриқнома.

Иш жойидаги йўриқнома 4 га бўлинади:

1. Бирламчи йўриқнома (первичный)
2. Даврий йўриқнома (периодический)
3. Навбатдан ташқари йўриқнома (внеочередной)
4. Жорий йўриқнома (разовый, бир марталик)

1. Кириш йўриқномаси

Кириш йўриқномаси Меҳнат муҳофазаси ва хавфсизлик техникаси (HSE, ТБ) ходими томонидан ўтказилади ёки шу вазифани бажарувчи Инженер-Технолог томонидан ўтказилади. Кириш йўриқномасини цех раҳбари ўтиши мумкин. Кириш йўриқномаси ўтилиши вақти 2 соатдан кам бўлмаслиги керак.

Иш жойидаги йўриқнома

1. Бирламчи йўриқнома

Бирламчи йўриқнома бир участкадан бошқа участкага ўтказилганда, янги иш бошловчи ишчиларга, талабаларга ишлаб чиқариш зонасига киришда ва уларга топшириқ берилганда ўтилади. Йўриқнома ўтишдан мақсад берилган ишни ММ ва ХТ қоидаларига кўра хавфсиз бажаришга ундашдан иборат.

2. Даврий йўриқнома

Даврий йўриқнома – ишчи ходимларнинг билимларини такомиллаштиришда ҳамда баъзи ҳолларда бажариладиган ишлар олдидан ўтилади. Йўриқнома ўтилгандан кейин албатта йўриқнома журналига қайд этилади. Ходимлар ҳар 3 ойда бир даврий йўриқномадан ўтказилиши шарт.

3. Навбатдан ташқари йўриқнома

Ишлаб чиқариш зарурияти туфайли келиб чиқадиган, ўта муҳим вазиятларда, хавфсиз иш юритиш бўйича ходимларга навбатдан ташқари йўриқномалар ўтилади. Навбатдан ташқари йўриқнома қуйидаги ҳолатда ўтилади:

- ишлаб чиқариш жараёнини ўзгариши натижасида меҳнат шароитлари ўзгарганда;

- корхонада (цех, бўлим, тармоқ, хизмат ва гуруҳда) бахтсиз ҳодиса ёки ҳалокат содир бўлган пайтда;

- хавфсизлик қоидалари ва кўрсатмалар талабларини ходимлар томонидан бузилганлиги аниқланганда, улар жароҳатланиш ва аварияларни келтириб чиқариши мумкин бўлган ҳолатларда;

- хавфсиз иш юритиш бўйича янги қоида ва кўрсатмаларни амалга қўлланиши туфайли келиб чиқадиган қўшимча талабларни корхона ходимларига етказиш зарурияти бўлганда;

- корхона раҳбариятининг буйруқ ёки фармойиши, юқори ташкилот органларининг ва давлат назорати органлари вакилларининг кўрсатмалари бўйича ҳамда шунга ўхшаш ҳолларда.

4. Бир марталик йўриқнома

Бир марталик йўриқнома ишчи ходимлар ҳар сафар янги топшириқ олганда ўтилади.

Каналга уланиш: T.me/Ngi_Uz

😎 "Uzbekistan GTL" МЧЖда корхона фаолиятида сифат, хавфсизлик, ахборот ҳимояси ва энергия самарадорлигини янада ошириш ҳамда корхона раҳбарларининг бошқарув салоҳиятини ошириш ва халқаро талабларга мос иш юритишини таъминлаш мақсадида ўрта бўғин раҳбар ходимлари учун ISO халқаро стандартларига бағишланган семинар-тренинг ташкил этилди.

👉 Батафсил
👉 Подробнее
👉 Read more

Каналга уланиш: @Ngi_Uz