#تراث

مولاي أمير المؤمنين ومولاتي فاطمة
صلوات ربي عليهما

اشزايد عليج اليوم يازهره تلوجين    
بطلي ونينچ ذاب گلبي لا تونين

يم الحسن بطلي الونين وجاوبيني    
شوفي اولادچ بالبواچي مذوبيني
گالت يحيدر فرّگو بينك وبيني   
بوداعة الله مسافره عنك يبو حسين

من هالمرض ماشوف ياحيدر سلامه 
تزوج عگب عيني يبو حسين بأمامه
بس الله الله بعد موتي ابهاليتامه     
سكن  خواطرهم ونشف دمعة العين

واجمع أصحابك عگب موتي وجهزوني
وطلعو الجنازه بليل خفيه وادفنوني
واللي اكسروا ضلعي وبالباب اعصروني
لا يحضرون جنازتي يمشيد الدين

ماقصّروا يامرتضى رضو اضلوعي  
لليوم مـن ضرب الرّجس ماسكن روعي
وبعدي على المختار ما نشفت ادموعي
وطب لي ولطمني فوگ خدي ومحجر العين

گلها الوصي الـممدوح بالسّبع المثاني
انتي يَزهرا و النّبي چنتو اركاني
وهسّا انهدم يم الحسن ركني الثّاني 
وتجدّد علَيّ الحزن يـاست النساوين

خبري أبوچ المصطفى بلّي جرى وصار
من كسر ضلعك والضّرب والجزل والنار
خبريه  عن حالي وخبري بْهَجمة الدار
وبلغي سـلامي المصطفى خير النبيين

دخلوا عليها اثنين يبدون الـنّدامه  
والكل منهم يبدي التّوبه ابكلامه
ينادون  يابنت المظلّل بالغمامه
عنّا اصفحي يعزيزة الـمختار ياسين

حوَّلت للحايط وجهها كوكب النور     
وصاحت مَبَقّيتوا من التّلويع والجور
هيهات مَيطيب الگلب والضّلع مكسور 
هذا جرح صدري وهذي حُمرة العين

الشاعر المرحوم ملا عطية الجمري

(383)
#اللهم_عجل_لوليك_الفرج

بسم الله الرحمن الرحيم

وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا مَّسْتُورًا

صدق الله العلي العظيم

الإسراء ٤٥

#تراث

يمته وحي الله ينادي ابطيبه
غايب الإسلام إجه امن الغيبه
ــــــــــــــــــــــــــــــــــــــ
الفرج آيه الفرج يا يوم الفرج
ابحر أظلم طحنه و أخذتنه اللجج
والله ما ظلت بعد عدنه مهج
من ينجينه يا راعي الهيبه
ــــــــــــــــــــــــــــــــــــــ
اشنحجي وياك اشنخبرك يا هضم
الدين أصبح جمره و الدنيه ظلم
و شفرة الصارم التوصل للعظم
و هاي هم بيها يغايب طيبه
ــــــــــــــــــــــــــــــــــــــ
اشما يدور الفلك بينه و يستدير
اليوم أنجز من أمس وأتعس يصير
نلحگ الصفگه و نطارد على الصفير
وي تشريج الهوه و تغريبه
ــــــــــــــــــــــــــــــــــــــ
لو تناشدني اشعرفنه من الكتاب
و يا حكم بالعجل ننطيك الجواب
نعرف انسوي الخطأ أحسن صواب
ابحيل تسطير الحجي و تركيبه
ــــــــــــــــــــــــــــــــــــــ
صرنه منعرف الثجيل امن الخفيف
و صرنه منميز الوضيع أمن الشريف
نجعل المعيوب مستور و عفیف
یا وسافه و الشريف انعيبه
ــــــــــــــــــــــــــــــــــــــ
اتشوفنه کل سال جبهه ننتمي
بس يراونه المطامع بالومي
و اليجي لينه و يعلمنه الرمي
بالسهام انگوم احنه انصيبه
ــــــــــــــــــــــــــــــــــــــ
اتضيعت أيامنه ابعالم خيال
و نصبح و نمسي ابلغاوي و بجدال
و لو فرد بنيان نبني اعله الرمال
ألف مبنه انسبب ابتخريبه
ــــــــــــــــــــــــــــــــــــــ
و أهل لطماع الأجيره ابهالوكت
اسمعت لابد بيها و بعينك شفت
شغله لو صارت لك و ليهم رحت
بس تحاجيهم تصير انهيبه
ــــــــــــــــــــــــــــــــــــــ
لون ما هالعمل عدنه بالوجود
صاير و كل يوم يالغايب يزود
ما علينه استولت اليوم اليهود
و ابوطنه چلبوا تچليبه
ــــــــــــــــــــــــــــــــــــــ
احنه أفسحنه المجال الها الكفر
واحنه أظهرنه العداوه و الغدر
الأجنبي امن الخوف من عدنه يفر
لچن لجل الطمع احنه انجيبه
ــــــــــــــــــــــــــــــــــــــ
من يوفي الضرر من ذوله البهم
ابيا حميه و غیره گلي يا شهم
اتصدگ انته لو گلت فرخ الغنم
من عگب أمه ترضعه الذيبه
ــــــــــــــــــــــــــــــــــــــ
بعد يزيد العتب و اعليك السلام
خاف يا المحجوب ياذيك الكلام
و أرجوا تقبل عذري يا نسل الكرام
و عذري عندك ينقبل أدريبه
ــــــــــــــــــــــــــــــــــــــ
لچن خليني أعزيك ابمصاب
عمتك زينب يبن داحي الباب
بالحبل مچتوفه زینب و لرباب
وهالمصيبه هم مثلها امصيبه

الشاعر المرحوم
الشيخ هادي القصاب


(381)
#اللهم_عجل_لوليك_الفرج