Тошкент вилояти делегацияси АҚШнинг машҳур иқтисодчиси Стивен Мур ва бир қатор америкалик бизнес вакиллари билан онлайн мулоқот қилди.

Суҳбатда АҚШдаги иқтисодий тенденциялар, инвесторлар учун шароитлар ва ҳамкорлик йўналишлари ҳақида очиқча фикр алмашилди.

Учрашувлар АҚШдаги нуфузли юридик фирмалардан бири — Clark Hill офисида ташкил этилди. Бу фирма ҳукумат билан ишлаш, лоббизм, халқаро савдо ва инвестиция масалалари бўйича катта тажрибага эга бўлгани учун, мулоқотлар ҳам анча самарали ўтди.

Зойир Мирзаев ташриф давомида дунёнинг энг обрўли иқтисодий медиа компанияларидан бири — Bloombergга ҳам интервью берди. Унда Тошкент вилоятининг иқтисодий салоҳияти, ривожланиш режалари ва инвесторлар учун очилаётган имкониятлар ҳақида гапирилди.

«Икки томонлама муносабатлар мисли кўрилмаган юксак даражага кўтарилди, Марказий Осиё эса бутун дунёга дўстлик ва ҳамкорлик минтақаси сифатида танилди. Ўзбек халқининг тан олинган етакчиси, халқаро майдонда улкан обрў-эътиборга эга, буюк давлат арбоби, Янги Ўзбекистоннинг асосчиси бўлган муҳтарам Президент Шавкат Миромонович Мирзиёевнинг бунда хизматлари беқиёс. Президент Шавкат Мирзиёевнинг кучли етакчилиги туфайли Ўзбекистон кўплаб соҳаларда юксак натижаларга эришди, муваффақиятли ривожланаётган давлат сифатида бутун дунёга танилди».

Форумдан сўнг вилоят ҳокими Зойир Мирзаев америкалик тадбиркорлар билан бир стол атрофида очиқ ва самимий суҳбат ўтказди. Учрашувда қишлоқ хўжалиги, таълим, транспорт, туризм ва маданият соҳаларидаги истиқболли лойиҳалар муҳокама қилинди.

B2B ва B2G форматларидаги мулоқотларда Тошкент вилоятининг қулай географик жойлашуви, агротуризм имкониятлари, саноат зоналари ва инфратузилмаси катта қизиқиш уйғотди.

Зойир Мирзаев америкалик тадбиркорларни ҳамкорликка ва янги инвестиция лойиҳаларини амалга оширишга чорлади.

Тошкент вилояти делегациясининг АҚШдаги ташрифи давом этмоқда.

2026 йил 1 январдан Ўзбекистоннинг АҚШдаги элчихонаси тузилмасига қўшимча маслаҳатчи-элчи – Ўзбекистон Республикаси Президенти Администрациясининг АҚШдаги вакили лавозими киритилади.