ወደ ሚዛን አማን ከተማ እየተጓዝን እኔና ሼህ ኤሊያስ አሕመድ የተነሳነውን ፎቶግራፍ አንዳንዶች በደስታ፣ሌሎች በመገረምና እጅግ ጥቂቶች ደግሞ እንዴት በሚል እንድምታ ሲያዘዋዉሩት አየሁ።የነርሱ መገረም እኔንም ገረመኝና እንዲያውም የኡስታዝ ሙሐመድ ፈረጅንም ጨምሬበት ትንሽ ከፋይል ማውጣት ፈለግኩ።

1) ከኡስታዝ ሙሐመድ ፈረጅ ጋር በጅማ ከተማ በአንድ ትምህርት ቤት ነበር የተማርነው። በጅማ መለስተኛ 2ኛ ደረጃ ት/ቤት (ቄራ ሰፈር) የ7ኛ ክፍል ተማሪ ሳለን ጀምሮ እስከ 2ኛ ደረጃ ት/ቤት (Jimma high school) ድረስ የዳዕዋ አሚራችን ነበር። በትምህርት ቤት ዳዕዋም የሚያደርግልን እና በተማሪነት ዘመን ሰላት ተከልክለን ለመብታችን መታገልንም በትምህርት ቤት በሰላማዊ ሰልፍ ጭምር መታገልን የጀመርነው በዑስታዝ ሙሐመድ ፈረጅ አሚርነት ነበር።

በሰላት ጉዳይም የመጀመሪያውን ሰላማዊ ሰልፍ የወጣነውና ጁምዓ ሰግደን ወደ ትምህርት ቤት ልንገባ ስንል አትገቡም ተብለን መሳሪያም የተቀባበለብን በጅማ ከተማ በርሱ መሪነት ነበር።በእረፍት ሰዓትም ዳዕዋ ለምን አደረግክ ተብሎ ሲከሰስም ከበን አብረን ወደ ቢሮ ሄደናል።

2) ሼህ ኤሊያስ አሕመድ ደግሞ በአዲስ አበባ ዩኒቨርሲቲ ሳይንስ ፋከልቲ (4ኪሎ ካምፓስ) እኔ የመጀመሪያ ዓመት እርሱ ደግሞ የ2ኛ ዓመት ተማሪ ሆነን በሳባ ህንፃ በዶርም ቁጥር 339 አብረን ነበርን።የአዲስ አበባ ልጅ ሆኖ ዶርም ስለማይሰጠው እኛ ጋር ይሆን ነበር።ያኔ ጊዜ መጠሪያ ስሙ ሁንዳኦል አሕመድ ነበር። «ሁንዳኦል» ማለት በኦሮምኛ ቋንቋ ከሁሉ በላይ የሚል ትርጉም ስላለው ከሁሉ በላይ አላህ ብቻ ነው። በዚህ ስም መጠራት ትክክል አይደለም በማለት ስሙን በፍርድ ቤት ወደ ኤሊያስ አሕመድ አስቀየረ። በኋላም የአዲስ ዩኒቨርሲቲ ትምህርቱን በማቆም ወደ መዲና ዩኒቨርሲቲ አቀና።

ለተገረማችሁ ወገኖች ምክንያታችሁ ባይታየኝም ከሁለቱም ጋር የቆየ ትውውቅ አለን ።

የ'ፍፁም ሰው ፍፁም ነቢይ 'መፅሐፍ ምርቃት! ሁላችሁም ተጋብዛችኋል!

የተለያዩ የማህበራዊ ትስስር ገፆች ላይ በሚያጋራቸው ኢስላማዊ ፅሁፎች መልካም ተቀባይነትን ያገኘው ኡስማን ሙስጠፋ አሁን ደግሞ 'ፍፁም ሰው ፍፁም ነቢይ' በሚል ርእስ ስለ ነቢያችን (ሰ.ዐ.ወ) የሚያትት አዲስ አቀራረብ እና ይዘት ያለውን መፅሐፍ አበርክቶልናል።

የመፅሐፍ ምረቃውም ፥ ከምርቃትም ባሻገር የተዘነጋውን የ 'ኢቅራእ' (አንብብ) መለኮታዊ ቃል ለኡማው ለማስታውስ እና የሞተውን የንባብ እና የመፃፍ ልምድ ህያው ለማድረግ ያነገበ ነው።

በዚህ ቀጣይነት ይኖረዋል ተብሎ በሚጠበቀው ጥበባዊ የዳእዋ እና የንባብ ማዕድ በመገኘት ከመልካም ምንዳው ይቋደሱ።

መሠል ሰናይ አላማ ያላቸው እቅዶቹ ቀጣይነት ይኖራቸው ዘንድ ፀሀፊውን ማግኘት እና አላማውን መደገፍ እንዲሁም መፅሀፉን ማግኘት የምትፈልጉ በ 0921390122 /0912027023 ኡስማን ሙስጠፋን ያናግሩት።

📆 የፊትችን እሁድ ጥቅምት 23 ከ ጠዋቱ 3:30 ጀምሮ

📍 :- 4 ኪሎ (አብርሆት ላይብረሪ አጠገብ የሚገኘው) ኢኽላስ ህንፃ ዋልያ መፅሐፍት አዳራሽ