Markaziy Osiyoda mintaqaviy korrupsiyaga qarshi chora-tadbirlarni kuchaytirish va hamkorlikni rivojlantirish yuzasidan tashabbuslar ilgari surildi

Joriy yilning 12–13-noyabr kunlari Qirg‘iz Respublikasining Bishkek shahrida BMTning Korrupsiyaga qarshi konvensiyasini Markaziy Osiyoda jadal amalga oshirish bo‘yicha Mintaqaviy platformaning Ikkinchi yillik konferensiyasi bo‘lib o‘tdi.

Konferensiyaning asosiy maqsadi mintaqa mamlakatlarining korrupsiyaga qarshi kurashish yo’nalishidagi sa’y-harakatlarini o’zaro muvofiqlashtirish, hamkorlik yo’nalishlarini belgilash hamda yangi tashabbuslarni ilgari surish hisoblanadi.

Mintaqada korrupsiyaga qarshi kurashish islohotlarini eng jadal tarzda amalga oshirayotgan mamlakat sifatida O‘zbekiston delegatsiyasining taqdimot va tashabbuslari alohida e’tirofga sazovor bo’ldi. Xususan, taqdimotda mamlakatda korrupsiyaga qarshi kurashish yo‘nalishidagi so’ngi islohotlar — davlat boshqaruvida shaffoflik tamoyillarini mustahkamlash, manfaatlar to’qnashuvini tartibga solish, fuqarolik jamiyati ishtirokini kengaytirish, aksilkorrupsiya ta’limini rivojlantirish ishlari haqida ma’lumot berildi.

Shuningdek, O‘zbekiston tashabbusi bilan Markaziy Osiyo nomidan ilk bor CoSP-11 (Doha, 2025-yil dekabr) yalpi sessiyasiga kiritilayotgan “Markaziy Osiyoda mintaqaviy korrupsiyaga qarshi chora-tadbirlarni kuchaytirish va hamkorlikni rivojlantirish” nomli rezolyutsiya loyihasi muhokama qilinib, barcha ishtirokchi davlatlar tomonidan qo‘llab-quvvatlandi.

Konferensiya yakunida Mintaqaviy platforma faoliyatini yanada takomillashtirish, UNCACni Markaziy Osiyoda samarali amalga oshirish va davlatlar o‘rtasida hamkorlik mexanizmlarini kengaytirish, ijobiy tajribalarni ommalashtirish, o’zaro yangi mintaqaviy tashabbuslarni ilgari surish bo‘yicha taklif va tavsiyalar ishlab chiqilishi qayd etildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Surxondaryodagi 38,5 mlrd so‘mlik davlat xaridida qonunbuzilishi aniqlandi

Korrupsiyaga qarshi kurashish agentligi tomonidan SurxondaryoQurilishInvest DM buyurtmasi asosida o‘tkazilgan davlat xaridida qonunbuzilish holati aniqlandi.

Xususan, davlat muassasasi tomonidan Boysun tumanidagi "Hongaronsoy" sel suv omboridan nasos stansiyasi va suv uzatish quvurlarini qurish orqali ekin maydonlarining suv ta’minotini yaxshilash bo‘yicha boshlang‘ich narxi 38,5 mlrd so‘mlik tender e’lon qilingan.

Xarid komissiyasining bayonnomasiga ko‘ra, ushbu davlat xaridida 36,5 mlrd so‘mlik taklif bilan “D.Y.T.” MChJ tanlov g‘olibi, 38,5 mlrd so‘mlik taklif bilan “M.I.T.” XK zaxiradagi g‘olib deb topilgan.

Aniqlanishicha, tenderning yana bir ishtirokchisi — “F.” MChJning soliq hisob varag‘iga noqonuniy aralashuv yo‘li bilan soliqdan qarzdorlik mavjudligi haqida soxta ma’lumot kiritilgan.

Natijada jamiyat “Shaffof qurilish” maxsus axborot platformasi orqali tender jarayonidan asossiz ravishda chetlashtirilgan.

Agentlik tomonidan ko‘rilgan choralar natijasida mazkur xaridning bekor qilinishi ta’minlandi.

Shuningdek, holat yuzasidan to‘plangan hujjatlar asosida hozirda huquqni muhofaza qilish organlari tomonidan tegishli huquqiy baho berilmoqda.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Sirdaryo viloyatida korrupsiyaning oldini olish bo‘yicha amalga oshirilayotgan ishlar o‘rganildi

Korrupsiyaga qarshi kurashish agentligi direktori Akmal Burxanov va Bosh prokurorning birinchi o‘rinbosari Baxriddin Valiyev boshchiligidagi Ishchi guruh tomonidan Sirdaryo viloyatida korrupsiyaning oldini olishga qaratilgan “Yo‘l xaritasi” ijrosi doirasida navbatdagi o‘rganish tadbirlari o‘tkazildi.

Jumladan, Yangiyer shahri, Sayxunobod, Oqoltin tumanlaridagi maktabgacha va maktab taʼlimi muassasalarida korrupsiyaviy xavf-xatarlarni aniqlash va ularni bartaraf etish bo‘yicha amalga oshirilayotgan ishlar o‘rganildi.

Bu borada bo‘sh ish o‘rinlari haqidagi maʼlumotlarni o‘z vaqtida eʼlon qilish, kadrlarni ishga qabul qilish, dars soatlarini adolatli taqsimlash, ustama to‘lovlarini amalga oshirish kabi jarayonlarda shaffoflik va xolislikni taʼminlash masalalariga alohida eʼtibor qaratildi.

Shuningdek, Respublika tez tibbiy yordam ilmiy markazi

viloyat filiali, Guliston tibbiyot klasteri, Sirdaryo, Xovos, Guliston va Shirin shahar tibbiyot birlashmalarida o‘tkazilgan o‘rganishlarda bepul va pulli tibbiy xizmatlar ko‘rsatish tartibi, tibbiy jihozlar va dori vositalari bilan taʼminlash, tibbiyot xodimlarini ishga qabul qilish jarayonlari, korrupsiya xavflarini kamaytirish bo‘yicha amalga oshirilayotgan ishlar bilan tanishildi.

Bundan tashqari Kadastrlar palatasi faoliyatida korrupsiyaning oldini olish bo‘yicha olib borilayotgan raqamlashtirish chora-tadbirlari va ularning natijalari Boyovut va Xovos tumanl

ari misolida ko‘rib chiqildi.

O‘rganishlar davomida aniqlangan kamchiliklar, “Yo‘l xaritasi”da belgilangan chora-tadbirlarning ayrim hollarda to‘liq bajarilmayotgani yoki umuman ijrosiz qolib ketayotgani Ishchi guruh rahbarlari ishtirokida o‘tkazilgan yig‘ilishda tanqidiy muhokama qilindi.

Jumladan,ong> tibbiyot muassas

alarida DMED axborot tizimi imkoniyatlarini to‘liq joriy etish, korrupsiyaning oldini olishga qaratilgan targ‘ibot matrong>erialla

ri va ishonch telefonlari haqidagi maʼlumotlarni joylashtirish, maktabgacha va umumiy o‘rta taʼlim tashkilotlarida kuzatuv kameralarini o‘rnatish hamda Face-ID tizimini joriy etish, budjet mablag‘laridan maqsadli hamda samarali foydalanish bilan bog‘liq masalalarda yo‘l qo‘yilayotgan sustkashliklarga alohida to‘xtalib o‘tildi.

Muhokamalar yakunida masʼul idora va tashkilotlarga “Yo‘l xaritasi”da belgilangan vazifalarni o‘z vaqtida va sifatli bajarish, korrupsiya xavfi yuqori bo‘lgan yo‘nalishlarda chuqur tahlil va tizimli nazoratni kuchaytirish bo‘yicha aniq topshiriqlar berildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Huquqiy eksperiment tariqasida — Sog‘liqni saqlash vazirligi korrupsiyaga qarshi bo‘linmasi Korrupsiyaga qarshi kurashish agentligi tasarrufiga o‘tkazilgan.

Vazirlikda mazkur eksperiment bugungi kunda qanday natijalar bermoqda? Korrupsiyaning oldini olish maqsadida qanday aniq harakatlar amalga oshirilmoqda?

Ma'lumot uchun: Davlat rahbarining tegishli qaroriga muvofiq, huquqiy eksperiment tariqasida beshta idora Sog'liqni saqlash, Qurilish va uy-joy kommunal xo‘jaligi, Suv xo‘jaligi vazirliklari hamda “O‘zbekneftgaz” va “O‘zsuvtaʼminot” aksiyadorlik jamiyatlarining korrupsiyaga qarshi bo‘linmalari Korrupsiyaga qarshi kurashish agentligi tasarrufiga o‘tkazilgan.

Bu haqda batafsil videolavhada tanishing!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

#videodayjest
Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Andijon viloyatida subsidiya mablag‘larining maqsadsiz sarflanganligi aniqlandi

Korrupsiyaga qarshi kurashish agentligi tomonidan Vazirlar Mahkamasining 2023-yil 22-iyuldagi 307-son qarori asosida ajratilgan subsidiya mablag‘larning maqsadli va samarali sarflanishi bo‘yicha Andijon viloyatida o‘rganish o‘tkazildi.

O‘rganish davomida aniqlanishicha, 2023-2024 yillar davomida tadbirkorlik subyektlariga ajratilgan jami 7,8 mlrd so‘m miqdoridagi subsidiya mablag‘lardan 2,6 mlrd so‘mi Qaror talablariga zid ravishda maqsadsiz sarflangan. Shundan 1,8 mlrd so‘mlik qismi o‘zlashtirib yuborilgan.

Jumladan:
▫️Baliqchi tumanida 4 ta yuridik shaxs tomonidan 74 nafar kasanachiga 729,6 mln so‘mlik;

▫️Ulug‘nor tumanida 1 ta yuridik shaxs tomonidan 48 nafar kasanachiga 401,3 mln so‘mlik;

▫️Jalaquduq tumanida 1 ta yuridik shaxs tomonidan 25 nafar kasanachiga 247,5 mln so‘mlik;

▫️Xonobod shahrida 1 ta yuridik shaxs tomonidan 10 nafar kasanachiga 204 mln so‘mlik;

▫️Qo‘rg‘ontepa tumanida 2 ta yuridik shaxs tomonidan 19 nafar kasanachiga 180,0 mln so‘mlik;

▫️Shahrixon tumanida 1 ta yuridik shaxs tomonidan 9 nafar kasanachiga 69,0 mln so‘mlik asbob-uskunalar yetkazib berilmaganligi aniqlandi.

Shuningdek, Izboskan tumanida 2 ta yuridik shaxs 79 nafar kasanachiga ajratilgan subsidiya mablag‘lari hisobidan tikuv mashinalarini taʼminotchi sifatida 118 mln so‘m ustama qo‘shgan holda yetkazib bergan.

Kasanachilar bilan mehnat shartnomalari tuzilmagani, amaldagi bandligi taʼminlanmagani

va ijtimoiy shartnoma shartlari bajarilmaganligi natijasida 792,3 mln so‘m miqdoridagi subsidiya mablag‘lari maqsadsiz sarflangan.

Shuningdek, ijtimoiy shartnoma sha

>rtlarining bajrong>arilishi subsidiya mablag‘lari ajratilgan ro‘yxatdagi kasanachilarning ish bilan bandligini taʼminlanganligi hamda ish haqlarining hisoblanishi soliq organlariga topshirilgan hisobotlari asosida o‘rganilganda Qaror talablari buzilishi, ijtimoiy shartnoma shartlari bajarilmaganligi holatlari aniqlandi.

Qaror talabi bo‘yicha Kambag‘allikni qisqartirish va aholi bandligiga ko‘maklashish bo‘limi xodimlari hamda hokim yordamchilari tomonidan subsidiya mablag‘larini maqsadli sarflanishi yuzasidan monitoring tadbirlari orqali nazorat qilib borish ishlarida ham masʼuliyatsizlik va qo‘pol xatolarga yo‘l qo‘yilgan.

To‘plangan materiallar asosida Bosh prokuratura huzuridagi Iqtisodiy jinoyatlarga qarshi kurashish departamenti tomonidan Jinoyat Kodeksining tegishli moddalari bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Farg‘ona viloyatida 1,4 mlrd so‘mlik subsidiya mablag‘lari o‘zlashtirib yuborilgani aniqlandi

Korrupsiyaga qarshi kurashish agentligi tomonidan Vazirlar Mahkamasining 2023-yil 22-iyuldagi 307-son qarori asosida ajratilgan subsidiya mablag‘larning maqsadli va samarali sarflanishi bo‘yicha Farg‘ona viloyatida o‘rganish o‘tkazildi.

O‘rganish davomida aniqlanishicha, 2023-2024 yillar davomida tadbirkorlik subyektlariga ajratilgan jami 9,3 mlrd so‘m miqdoridagi subsidiya mablag‘lardan 1,4 mlrd so‘mlik qismi o‘zlashtirib yuborilgan.

Jumladan:
▫️Uchko‘prik tumanida 2 ta yuridik shaxs tomonidan 37 nafar kasanachiga 309,4 mln so‘mlik;

▫️Rishton tumanida 1 ta yuridik shaxs tomonidan 42 nafar kasanachiga 277,2 mln so‘mlik;

▫️Bag‘dod tumanida 2 ta yuridik shaxs tomonidan 54 nafar kasanachiga 275,0 mln so‘mlik;

▫️Beshariq tumanida 1 ta yuridik shaxs tomonidan 33 nafar kasanachiga 192,4 mln so‘mlik;

▫️Qo‘qon shahrida 1 ta yuridik shaxs tomonidan 17 nafar kasanachiga 160,5 mln so‘mlik asbob-uskunalar yetkazib berilmagan.

▫️Farg‘ona tumanida 1 ta yuridik shaxs tomonidan 14 nafar kasanachiga 106,3 mln so‘mlik;

▫️Farg‘ona shahrida 1 ta yuridik shaxs tomonidan 15 nafar kasanachiga 98,0 mln so‘mlik;

▫️Dang‘ara tumanida 1 ta yuridik shaxs tomonidan 7 nafar kasanachiga 51 mln so‘mlik;

Shuningdek, jami 335,0 mln so‘mlik subsidiya mablag‘lari asossiz ajratilganligi aniqlandi.

Xususan, 6 nafar fuqaro nomiga ikki marotaba, yaʼni takroriy tarzda jami 34,9 mln so‘mlik subsidiya rong>mablag‘lari

qaro

r talablariga zid ravishda ajratilgan.  

Shuningdek, Vazirlar Mahkamasining 2022-yil 11-m>aydagi 252-son qarori asosida viloyat bo‘yicha tadbirkorlik va o‘zini o‘zi band qilish faoliyatini boshlamoqchi bo‘lgan, jumladan, “Temir daftar”, “Ayollar daftari” hamda “Yoshlar daftari”ga kiritilgan 47 nafar fuqaroga asbob-uskunalar xaridi yo‘nalishida avval subsidiya mablag‘i olganong> bo‘lishiga qarama/strong>sdan, takroran jami 300,1 mln so‘m subsidiya ajratong>ilgan.

Qaror talabi ng>bo‘yicha Ka

mbag‘allikni qisqartirish va aholi bandligiga ko‘maklashish bo‘limi xodimlari hamda hokim yordamchilari tomonidan subsidiya mablag‘larini maqsadli sarflanishi yuzasidan monitoring tadbirlari orqali nazorat qilib borish ishlarida ham masʼuliyatsizlik va qo‘pol xatolarga yo‘l qo‘yilgan/blockquote>.

To‘plangan materiallar asosida Bosh prokuratura huzuridagi Iqtisodiy jinoyatlarga qarshi kurashish departamenti tomonidan Jinoyat Kodeksining tegishli moddalari bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Jarqo‘rg‘on tumanini “Korrupsiyadan xoli hudud”ga aylantirish choralari bo‘yicha tavsiyalar berildi

Korrupsiyaga qarshi kurashish Milliy kengashining Surxondaryo viloyati Jarqo‘rg‘on tumanida bo‘lib o‘tgan sayyor majlisida tumanni “Korrupsiyadan xoli hudud”ga aylantirish va bu bo‘yicha tegishli chora-tadbirlarni ishlab chiqish yuzasidan qaror qabul qilindi.

Mazkur chora-tadbirlarni natijador va sifatli tarzda ishlab chiqish, tuman aholisi uchun dolzarb vazifalarni kiritish maqsadida Korrupsiyaga qarshi kurashish agentligi direktori Akmal Burxanov boshchiligidagi Ishchi guruh tomonidan korrupsiya xavfi yuqori bo‘lgan sohalarda joyi chiqqan holda tavsiyalar bildirildi va masʼullarning takliflari tinglandi.

Jumladan, tuman tibbiyot birlashmasida korrupsiyaning oldini olish va bartaraf etish, bu borada raqamlashtirish ishlari tug‘uruq va pediatriya bo‘limlari faoliyati misolida o‘rganildi.

Maktabgacha taʼlim muassasalarida olib borilgan o‘rganishlarda esa tarbiyalanuvchilarni sog‘lom ovqatlantirish tizimini to‘liq autsorsing asosida tashkil qilish, sifatli mahsulotlar bilan taʼminlanganlik va mazkur jarayonda jamoatchilik nazoratini kuchaytirish hamda ichki va tashqi hududda xavfsiz muhitni yaratish maqsadida videokuzatuv kameralari o‘rnatish bo‘yicha zaruriy choralar belgilab olindi.

Shuningdek, Korrupsiyaga qarshi taʼlim va yoshlarning imkoniyatlarini kengaytirish global resursi (GRACE) dasturini joriy etilganligiga eʼtibor qaratildi.

O‘rganish jarayonlarida bemorlar, ota-onalar, sog‘liq saqlash va maktabgacha taʼlim sohalari xodimlari bilan suhbat qilinib, ularning taklif va mulohazalari asosida "Yo‘l xaritasi"ni takomillashtirish masalalari masʼul ijrochilar ishtirokida muhokama qilindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Hozirda 190 dan ortiq davlat organi va tashkilotlarda korrupsiyaga qarshi ichki nazorat tuzilmalari faoliyat yuritmoqda.

Xo‘sh, ular faoliyati qanchalik samara bermoqda?

Ular tufayli qancha mablagʻ noqonuniy sarflanishining oldi olindi?

Mazkur video shu haqda.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt