سەفتە دۆلارەکانی زانکۆی ئەمریکی

وابزانم زۆربەمان باسی فەندە ملیۆن دۆلارییەکەی سەنتەرەکەی «چۆمان هەردی»مان لە زانکۆی ئەمریکی لە سلێمانی بیستووە، کە بۆ پرسی «جێندەر» و بڵاوکردنەوەی، لە لایەن زانکۆوە لە هەرێمی کوردستاندا وەرگیرابوو. بەڵام ئەمە شتێکی تایبەت نییە بە زانکۆی ئەمریکیی سلێمانی، بەڵکوو ئامانج و کاری سەرەکیی هەموو لقەکانی تری زانکۆی ئەمریکییە لە وڵاتە ئیسلامییەکاندا.

بۆ نموونە، لە زانکۆی ئەمریکی لە میسر و لوبنانیش، لە پڕۆگرامێکدا و لەژێر دوو ناوی جیاوازدا و، بە سپۆنسەری خودی وەزارەتی دەرەوەی ئەمریکی، فەندێک دانراوە کە تەواوی خەرجیی ساڵێکی خوێندکاری وەرگیراو لە ئەستۆ دەگرێت، بەو مەرجەی خوێندکارەکە بچێتە نێو کۆرسەکانی جێندەرەوە.

لە کۆرسەکەدا، خوێندکار وانەکانی جێندەر و بنەما لیبراڵییە ئەمریکییەکانی پێ دەوترێتەوە و، لەگەڵیدا ئامادە دەکرێت بۆ ڕۆڵی سەرکردایەتی و ڕابەرایەتیی کۆمەڵگە بۆ داهاتوو؛ ئەمەش بۆ پێگەیاندنی کۆمەڵێک گەنجی سەرکردەیە کە هەڵگری ئەم بیروباوەڕە ڕۆژئاواییانە بن و، هەوڵی پیادەکردن و چەسپاندنی بدەن لە کۆمەڵگە موسڵمانەکاندا.

ئەمانە و چەندان فەند و مینحەی دیار و نادیاری تر، کە لقەکانی زانکۆی ئەمریکی لە وڵاتە ئیسلامییەکاندا وەری دەگرن و کاری بۆ دەکەن، ئەوە دەری دەخات کە ئامانجی ئەم زانکۆیانە بڵاوکردنەوەی فیکری ڕۆژئاوا و دروستکردنی پێکهاتەیەکە لە سەرکردەی گەنجی داهاتوو بۆ ئەم مەبەستە.

بە ئامانجگرتنی منداڵی خێزانە دەوڵەمەند و دیارەکانیش، بۆ خۆی باسێکی تری ئەم بەرنامەیەیە.

ئارامی مەلا نووری

لە كۆتاییدا، پێكەوەژیان جوانە و ئیسلام هێناویەتی و ئیسلامیش پێكەوەژیانی فێری دونیا كردووە، بەڵام وا دەبینم پێكەوەژیان لای خەڵكێك ئەوەیە كەمینە زاڵ بن و سواری ملی زۆرینە ببن، گەر زۆرینەش تەنها قسەیان كرد ونكەیان هات و وتیان ملمان شكا، ئەوە بە پێكەوە ژیان ڕازی نەبوون!

م. عەلی خان