#AAU

አዲስ አበባ ዩኒቨርሲቲ 75ኛ ዓመት የአልማዝ ኢዩቤልዩ በዓሉን ለማክበር ዝግጅት አጠናቋል።

ክብረ በዓሉን ምክንያት በማድረግ ዩኒቨርሲቲው ባለፉት 75 ዓመታት ያበረከተውን አስተዋፅኦ በመጽሐፍ ተሰንዶ ይፋ የሚደረግ መሆኑን የዩኒቨርሲቲው ተጠባባቂ ፕሬዝዳንት ሳሙኤል ክፍሌ (ዶ/ር) ገልፀዋል።

ዘጋቢ ፊልም፣ የአካዳሚክ ሴሚናሮች፣ የፓናል ውይይቶች እና የበጎ ፈቃድ ሳምንት መርሐግብሮች እንደሚካሔዱም ጠቅሰዋል፡፡

በሌላ በኩል የዩኒቨርሲቲው ራስ ገዝ የመሆን ሒደት እየተጠናቀቀ እንደሚገኝ ፕሬዝዳንቱ ለጋዜጠኞች ተናግረዋል።

ዩኒቨርሲቲው ወደ ራስ ገዝነት ለመሸጋገር የሚያግዘውን ከ2024 እስከ 2028 ዓ.ም የሚመራበትን የአምስት ዓመት ስትራቴጂያዊ ዕቅድ አዘጋጅቷል፡፡

የተለያዩ መመሪያዎች፣ ሰነዶች እና ፖሊሲዎች ፀድቀው ወደ ሥራ ገብተዋል የተባለ ሲሆን፤ ከ500 በላይ የነበሩት የዩኒቨርሲቲው የአካዳሚክ ፕሮግራሞች ወደ 418 እንዲሸጋሸጉ መደረጋቸው ተገልጿል።

ለጥቆማ 👉 @atc_newsbot
➡️ https://t.me/atc_news

የትምህርት ሚኒስቴር የስርዓተ ትምህርት ማበልፀጊያ መሪ ስራ አስፈጻሚ ቡድን ባዘጋቸው ሁለት ረቂቅ ደንቦች ላይ የትምህርት ማኅበረሰቡ እና ባለድርሻ አካላት አስተያየት እንዲሰጡ ጠይቋል፡፡

1. በትምህርት ቤቶችና አካባቢ የትምህርት አዋኪ ጉዳዮችን ለመከላከል እና ለመቆጣጠር የወጣ ረቂቅ ደንብ፦ https://forms.gle/HisAZoyTpmo1ZFCA6
2. የተማሪዎች የሥነ-ምግባር መመሪያ (የመጀመሪያ ረቂቅ)፦
https://forms.gle/R72ai6EiMnzZtGsC6

ሊንኮቹን በመጫን ከዛ በመቀጠልም ማስፈንጠሪያ (Link) የሚለውን በመጫን ሰነዶቹን ማግኘት ይችላሉ፡፡ ሁለቱንም ሰነዶች ካነበባችሁ በኋላ የተጠየቁ መረጃዎችንና አስተያየታችሁን ሞልታችሁ (Submit) የሚለውን በመጫን አስተያየትዎን መላክ እንደሚችሉ ትምህርት ሚኒስቴር ገልጿል፡፡

ለጥቆማ 👉 @atc_newsbot
➡️ https://t.me/atc_news