Ўлим ҳақида шунчалик кўп гапириладиган бўлиб кетдики ҳаттоки инсонлар ундан қўрқиш ўрнига ,
ўлим ҳақидаги хабарларни профилларини безайдиган зийнатли сўзларга айлантириб олдилар.
Ўлим эслатмаси, мунофиқларни кибрини мўъминларни тавозусини
оширувчи энг кучли мавъиза.
Ўлим -сизни юмшоқ қулай хонангиздан тор қабрга киргизувчи ,
майин тунги кўйлагингизни ,дахшатли кафанга алмаштирувчи, сўнги маркадаги машина рулидан хунук тобутга ўтказувчи ,гул юзингизни хашоратлар масканига айлантириб , парвариш қилган баданингизни тупроққа қориштирувчи ,кибр билан кўтарган бурнингизни ерга ишқаловчи , узоқларга боққан кўзингизни дахшатла музлатиб қўювчи,баландларни режа қилган ақлингизни ишдан чиқарувчи ,тузган режангизни чипакка чиқарувчи ,сизни тириклар сафидан ўчириб ,маййитлар сафига киритувчи ,ҳар туну кунингизни фақат қабристонда ўтказишга мажбур қилувчи ҚАМОҚХОНАДИР.
Хой ўз жонига гунохлар билан зулм қилган золим !
Дунёда қутулишни имкони бор жойда гунохлардан қутулиб ол
Хой ўзини осмонларда билаётган хор банда , ўлим фариштасига таслим бўлиб жон беришдан аввалроқ, хорлигингни тан олиб Роббингга таслим бўл.
Хой ёлғонни усталик билан сўзловчи ёлғончи банда ,ёлғон сўзлашни иложиси йўқ жойга киришдан аввал рост сўзлаб тавбага улгуриб қол.
Хой кўчама кўча номахрамлар билан учрашиб кулишиб юрган бечора банда ,Аллоҳ жон томирингни узиб олмасидан ,
хеч ким эмаслигингни тан олиб Аллоҳга фарёд қил.
Хой Аллоҳнинг қонунини бузувчи мутакаббир банда !
Нимангга кибр қиласан ,сен кимсан ?
Аллоҳнинг неъматларини еб тирик турибсан Аллоҳнинг заминида юрибсан,Аллоҳнинг ҳавосидан нафас оляпсан Аллоҳ берган оёқлар беллар сени тутиб турибти Аллоҳ берган кўзинг йўлингни кўрсатиб турибти,
Аллоҳ берган юрагинг уриб турибти ,Аллоҳ берган ошқозонинг хазм қилиб турибти Аллоҳ берган жигар буйракларинг сени ҳаётингни сақлаб турибти .
Аллоҳ берган вақтинчалик жойда “ижарада”турибсан яқинда топширасан ўз эгасига.
Устингдаги либослар уйингдаги қулай жихозлар ,гилам парда диван қошиқ капгиргача бирортаси сеники эмас- Аллоҳники ,уларни яқинда “топширасан”
Ўзинг қўрқинчли ёғоч ўринга ётқизилиб ўнгдан чапга қаратиб ювиласан сўнг тупроққа қоришасан.
Фарзандларинг жонингни молингни борингни берганларинг қабринг устида 3-4 томчи кўз ёш тўкиб ортига ,жуфтлари қўйнига қайтадилар.
Биринчи ой ҳар намозларида эслайдилар, кейинги ой хар хафтада эслаб турадилар,кейин ҳар туғилган ва ўлган кунинг эслайдиларда бир кун худди бўлмагандай унут бўласан.
Қани энди охиратда ҳам ҳаммаси унут бўлса эди.
Йўқ у ерда энди ортингда қолдирган ҳар бир нарсангдан ,мол давлатингни тигин тигинини қаердан олиб қаерга берганингдан қаттиқ сўроққа тутиласан.
Бошқани хаққини еганларинг қорнингда алангали олов бўлиб ёндирилади ,бошқани илон бўлиб сўрганларинг хиёнатларинг ёлғонларинг сени ҳақиқий илон бўлиб сўриб ётади энди.
Эй бечора инсон сен кибр қилиб турган дунё аслида оёғингга ўралган кишан,бўйнингга солинган арқон.
Бугун ундан қутулиб олиш имкони борида тавбага шошгин.
Гунохинг тоғларча бўлсада тавбанг ҳақиқий бўлса бошқаларни хаққини қайтарсанг сен азобдан қутуласан.
Унутма қарз бўйнингда ўлиб кетма
Пайғамбар ёнидаги сахобаларга қарзи кечирилмайди, жиходда қурбон бўлган шаҳидга ҳамма гуноги кечирилсада қарзи кечирилмайди,
Ғазода шаҳид бўлиб вафот этганга барча гунохи кечирилади лекин қарзи бўйнида кетса азобда ётаверади.
Бугун содиқ тавба билан гунохлар кечирилади,бир оғиз :
-хато менда эди деб тан олиш билан кечирилади.
-Эй бечора одам тавба қилишдан атрофингдаги 50 та 100 та одам олдида шарманда бўлишдан қўрқасана , эртага оламлар тўпланган жойда нима бўласан?
Сиротдан қандай судралиб ўтасан !?
Хавзни олдида нима бўласан !?
Росулинг юзига қандай қарайсан !?
Одамларга нима десанг дединг -Аллоҳга нима дейсан ?
У сенга нима дейди ?
Китобингни қай қўлингга беради,ўйлаганмисан !?
Бошингда шунча балолар туриб яна ўзингни балоларга отасанми !?
Сен ўзинг билан ёлғиз қолиб айтчи ,
сен ҳақмисан ёки Аллохнинг кузатувчи фаришталари ёзиб қолдирган сахифалар хақми ?
Бугун бошингни саждага уриб фарёд урмасанг эртага азоб фаришталари гурзилар билан урганда фарёд урасан.
Айтчи ,сен хақмисан !?
0
Показать ещё
