#ክፍፍል
#ሆያሆዬ

"አባዬ ሳትሞት እንዴት ሐዉልት ሊሰሩልህ ቻሉ!?"

ፈረንሳዊው የእግር ኳስ ኮከብ ቴሪ ሄነሪ ይናገራል :- "ቤት በመጣሁ ቁጥር ትንሿ ልጄ ቲያ የዉጭ ሰዉ እየመሰልኳት ታለቅስ ነበር። በግጥሚያ፣ በልምምድና በሌላም ነገሮች መካከል እሷን የማገኛት አልፎ አልፎ ነበር።

የእኔ ሐዉልት መጋረጃ በሚገለጥበት ዕለት ልወስዳት ወሰንኩ። እናም ያን ሁሉ ጊዜ ተለይቻት የቆየሁበትን ምክንያት ተረድታ ጥፋተኛ አለመሆኔን እንድታዉቅ ያግዘኛል። ቦታዉ ላይ እንደደረስን ሐዉልቱን ተመለከተችና "አባዬ ያ'ኮ አንተ ነህ። ሳትሞት እንዴት ሐዉልት ሊሰሩልህ ቻሉ?" ብላ ጠየቀችኝ።

ፈገግ ብዬ ዝም አልኩ። ከጀርባችን ንግግራችንን ሲሰማ የነበረዉ ቬንገር ወደ ቲያ ቀረበና "ያንቺ አባት ለእኛ መቼም አይሞትም። እሱ እዚህ የጀግኖች ጀግና ነዉ። ይህንንም ያደረገዉ በርካታ ሰዎችን ደስተኛ ማድረግ በመቻሉ ነዉ። አንቺ ደግሞ እዚህ ካለነዉ ሁሉ የበለጠ ልትወጂዉ ይገባል" አላት።

የቬንገር ቃላት ከጠበቅሁት በላይ አስደምመዉኛል። ልጄም ፈገግ ብላ አቀፈችኝና "አባዬ አንተ ጀግናዬ ነህ። ይህ ደግሞ ምንኛ አስደናቂ ነገር መሠለህ" አለቺኝ። ከዚያች ቅፅበት በኋላ ልጄ "ጀግናዬ" ብላ ነዉ የምትጠራኝ። እስከዛሬ ድረስም የእኔን ጎሎች ዩቲዩብ ላይ ትመለከታለች

።

(Via Maleda)

እሁድ እሁድ በአሚታብ መኖሪያ ቤት ።
....
ከአመታት በፊት ... ህንዳውያን Legend of Legends በሚል ስም የሚጠሩት ተወዳጅ አክተር አሚታብ በጤናው ላይ እክል ገጥሞት ነበር ።
ይህ እንደተሰማም በሺህዎች የሚቆጠሩ አድናቂዎቹ ተኝቶ ወደሚታከምበት ሆስፒታል በመሄድ መንገዶች እስኪዘጋጉ ድረስ ለቀናት ውሎ እና አዳራቸውን በዚያ አደረጉ ።
.....
ከጥቂት ጊዜያት በኋላም አሚታብ የጤናው ሁኔታ ተመልሶ ከሆስፒታል መውጣቱ ቢሰማም ይህን ያላመኑ አድናቂዎቹ በአንድ እሁድ ቀን ወደመኖሪያው በመሄድ በአካል ሊያዩት ፈለጉ ።
..........
ከዛን ጊዜ ጀምሮም በመቶዎች የሚቆጠሩ የአሚታብ አድናቂዎች በየሳምንቱ እሁድ እሁድ ከሰአት ፡ አበባ ፡ ትላልቅ ፖስተር እና ባነሮችን ይዘው ወደመኖሪያ ቤቱ በመሄድ ከአጥር ውጭ ቆመው የዝነኛውን መውጣት ይጠባበቃሉ ።
አሚታብ እሱን በአካል ሊያዩ ከተለያዩ ቦታዎች የተሰባሰቡትን አድናቂዎቹን ከፍ ባለ ተንቀሳቃሽ ደረጃ ላይ ይቆምና በፍቅር እና በአክብሮት ሰላምታ ያቀርብላቸዋል ።

በዚህ ወቅት አድናቂዎቹ ስሙን እየጠሩ በታላቅ የአድናቆት ድምፅ ይቀበሉታል ። ከዚያም አሚታብ ፡ አክብረውት ከተለያየ ቦታ ለጥቂት ደቂቃዎች ያህል በአካል ሊያዩት ለመጡት አድናቂዎቹ የምስጋናና ሌሎች መልእክቶችን ተናግሮ ይሸኛቸዋል ።

....
ይህ ነገር አሚታብ በሀገር ውስጥ እስካለ ድረስ ከ1982 ጀምሮ ለአርባ ሁለት አመታት ያህል እስከዛሬ ድረስ የቀጠለ ነው ።

የ26 አመት ወጣት ሆኖ ፡ የህንዱን የፊልም ኢንደስትሪ የተቀላቀለው አሚታብ ባች እስካሁን ድረስ 230 ፊልሞች ላይ መተወን የቻለ ታላቅ አክተር ነው ።
በዚህ ከግማሽ ክፍለ ዘመን በላይ ባልስቆጠረ የዝነኝነት ህይወት አሚታብ በከፍታም በዝቅታም ውስጥ አልፏል ።
......
በአንድ ወቅት ጀምሮት በነበረው ቢዝነስ ያልታሰበ ኪሳራ ገጥሞት የነበሩትን ሚሊዮን ብሮች ሁሉ አጥቶ ያውቃል ።
ሆኖም እንደገና ለመነሳት ፡ እንደገና ሚሊዮኖችን ለመሰብሰብ ለእርሱ ከባድ አልነበረምና ያንን ማድረግ የቻለ ፡ በመሆኑ የፅናትና የጥንካሬ ፡ ምልክትም አድርገው ይወስዱታል ።
.....
ይህ ዝናን መሸከም የሚችል ሰፊ ትከሻ ያለው የማይኮፈስ ፡ አክተር ለአድናቂዎቹ ትልቅ ቦታ በመስጠቱ አድናቂዎቹ ፡ አደለም ህመሙ ፡ እርጅናው ያስጨንቃቸዋል ።
......
አሚታብ አሁን እያረጀ ነው ። ዘንድሮ 82 አመት ሆኖታል ።
ከአመታት በፊት ( ምንም እንኳን ፊልም ቢሆንም ) በሚሄድ ባቡር ጣራ ላይ ይሮጥ የነበረው ሰው. .. ይህ በህንድ ተራሮች ላይ እየወደቀና እየተነሳ ፡ ለብዙ ደቂቃዎች ሲታገልና ሲጥል የነበረ ጎበዝ ፡ አሁን ላይ እድሜ ትከሻውን አጉብጦት ብርቱ ጉልበቶቹን አድክሞ እርጅና እየጎበኘው ነው ።
......
እንደዛም ሆኖ አሁንም ዝናውን ጠብቆ በሁሉም ዘንድ ተወዳጅ ሰው ሆኖ ፡ በህንድና በአለም ዙሪያ ያሉ በቢሊየን የሚቆጠሩ ሰወችን አድናቆት ያለመታበይ መሸከም የቻለ ሰው ነው

።

ዋሲሁን ተስፋዬ

ዶናልድ ትራምፕ ዛሬ የእስራኤሉን መሪ ጀግና ሲል አሞግሶታል ።
ምክንያቱም ለዶናልድ ትራምፕ ጀግና ማለት ህጻናትን የሚ7ድል ሰው ነው ። እንደዛ ባይሆንማ ምንም የማያውቁ 18,430 ህጻናትን ጨምሮ 61,944 ፍልስጤማውያን ሴቶች ፡ ወጣትና አረጋውያንን ያለምህረት የጨፈጨፈን ህመምተኛ ጀግና ሲል አያሞግሰውም ነበር ።

ለዶናልድ ትራምፕ ጀግና ማለት የእርዳታ ምግብ ሊቀበሉ ከሰሀን እና ከማዳበሪያ ውጭ አንዳች ነገር ያልያዙየሄዱ ሰወችን የሚገድል ነው ።
በጋዛ እስካሁን የእርዳታ ምግብ ለመቀበል ፡ የሄዱ 1,400 ፍልስጤማውያን የተገደሉ ሲሆን 4 ሺህ የሚሆኑት በእስራኤል ወታደሮች ጥይት እዛው እርዳታ ቦታ ላይ በጥይት ተመተዋል ።

ዛሬ በጋዛ በእስራኤል የጦር ጀቶች የተረፈው ጥቂት ቦታ ብቻ ነው ሌላው 92% የሚሆነው የጋዛ ከተማ ወደ ፍርስራሽነት ተቀይሯል ።
.....
88% የሚሆኑት የጋዛ ትምህርት ቤቶች አሁን የድንጋይ ክምር ሆነዋል ። ምንም ሆስፒታል የለም ።

ምን ትምህርት ቤትና ሆስፒታል ፡ በጋዛ መንገድ እንኳን የለም ። 68 ፐርሰንት የሚሆነው አስፓልት መንገድ ፈፅሞ ወድሟል ። ( ይህን ያህል አስፓልት በምን መልኩ እንዳወደሙት ያስገርማል )

እንግዲህ ለዶናልድ ትራምፕ ጀግና ማለት ይህንን የሚያደርግ ነው ። ህጻናት በረሀብ እየሞቱ ፡ አዋቂዎች አንጀታቸው ታጥፎ የምግብ ሽታ ሲናፍቃቸው ፡ ስድስት ሺህ እርዳታ የያዙ መኪኖችን አላስገባም ብሎ የሚያግድ ሰው ነው ።
....
ትራምፕ ዛሬ ጀግና ያለው ይህንን የሚያደርግ ወራሪ ሀገር መሪ የሆነን ሰው ነው ።
አሳዛኙ ነገር ይህ ሁሉ እየሆነ ያለው ፡ አለም እያየ ነው ።
እና አንድ ቀን የሀያላን ሀገራት መሪዎች ወደፊት ልጆቻቸው ጋዛ እንዲህ ስትወድም ፡ ፍልስጤማውያን ላይ የፀር ማጥፋት ሲፈፀም ለምን ዝምታን መረጣችሁ ብለው ሲጠይቁ ምን ይመልሱ ይሆን ?
በነገራችን ላይ ይህን እየጻፍን ባለንበት ወቅት እስራኤል በዛሬው እለት አዲስ በከፈተችው ሰፊ የወረራ ዘመቻ ፡ ፍልስጤማውያን ከላይ በጦር ጄቶች ፡ ከታች በታንክና በጥይት መግቢያ መውጫ አጥተው እየተሸበሩ ይገኛሉ ።
ያሳዝናል ።
ድል ለፍልስጤማውያን !

Wassihun tesfaye

በሰርጀሪ ገጽታውን መሉ በሙሉ ያስቀየረው ግለሰብ

አንድ ግለሰብ በፕላስቲክ ሰርጀሪ የተሸበሸበው ቆዳው የወጣት መልክ፣ የተመለጠው ፀጉሩ ሙሉ፣ አፍንጫው ሰልካካ፣ አጠቃላይ አካላዊ ገጽታውም ከዋናው እድሜው ቢያንስ ከሁለት አስርት ዓመታት በታች ሆኗል ቢባል የማይታመን የቁም ቅዠት ሊመስል ይችላል፡፡ ይህ ግን እውነት ሆኗል።

በቱርክዬ ኢስታንቡል ከተማ የሚገኘው የፕላስቲክ ሰርጀሪ (ቀዶ ጥገና) ክሊኒክ አንድን የአገልግሎቱ ተጠቃሚ ግለሰብ ከሰርጀሪው በፊት እና በኋላ የሚያሳዩ ፎቶዎችን በማንሳት የለቀቀው ፎቶ አነጋጋሪ ሆኗል።

ከሰርጀሪው በፊት እና በኋላ ያለውን ለውጥ የሚያሳይ ፎቶ ጎን ለጎን ተደርጎ በማኅበራዊ ሚዲያዎች ላይ ተለቋል። ለውጡ እጅግ በጣም አስገራሚ የሆነ፣ ፈጽሞ ሊታሰብ እና ሊታመን የማይችል በመሆኑም በማኅበራዊ ሚዲያ ከፍተኛ ትኩረት ስቧል።

ይህ ከሰሞኑ የበይነ መረብ ሚዲያውን ያጨናነቀው ፎቶ እስቴ ሜድ የተሰኘው ክሊኒክ ባለፈው ሳምንት ሚካኤል ተብሎ በሚጠራው ታካሚ ላይ የሰራው አስደናቂ ስራ ነው።

ከህክምናው በኋላ ያለውን የግለሰቡን መልክ የሚያሳየው ፎቶ ሰውዬው ከዋናው እድሜው ቢያንስ ከሁለት አስርት ዓመታት በታች የሆነ ከማስመሰሉም በላይ በወጣትነቱ የሌለውን መልክ አላብሶታል።

ሁለቱ ፎቶዎች እጅግ የተራራቁ በመሆናቸው አንድ ላይ ባይለጠፉ ኖሮ አብዛኛው ሰው አንድ ሰው ነው ብሎ ሊገምት የሚችልበት ምንም አይነት ምስስሎሽ አይታይም።

በሚካኤል ፎቶ ላይ አስተያቱን የሰጠ አንድ የኢንስታግራም ተጠቃሚ “የጣት አሻራ ማረጋገጥ አለብን ይህ የማይታመን ነው። ቱርክዬ ውስጥ ምን ዓይነት ተዓምር እየሰሩ ነው?" ሲል ግርምቱን አስቀምጧል። ሌሎችም እንዲሁም አግራሞታቸውን ገልጸዋል።😱