*

အဂတိလိုက်စားမှုအပါအဝင် စွဲချက်များစွာဖြင့် တောင်ကိုရီးယားသမ္မတကတော်ဟောင်း ကင်ကွန်ဟီကို ဩဂုတ် ၁၂ ရက်နှောင်းပိုင်းတွင် ဖမ်းဆီးလိုက်ပြီး ၎င်းကိုစွဲဆိုထားသည့် စွဲချက်များထဲ ငွေကြေးရင်းနှီးမြှုပ်နှံမှုဆိုင်ရာ ဥပဒေချိုးဖောက်မှု၊ နိုင်ငံရေးရန်ပုံငွေဆိုင်ရာ ဥပဒေချိုးဖောက်မှုများလည်းပါဝင်ပါတယ်။

သမ္မတဟောင်းရော၊ ဇနီးပါ ထိန်းသိမ်းခံရသည့်ဖြစ်ရပ်မျိုးက တောင်ကိုရီးယားတွင် ယခုပထမဆုံးအကြိမ်ဖြစ်ပါတယ်။

အသက် ၅၂ နှစ်အရွယ်ရှိ ကင်ကွန်ဟီ၏ တရားမဝင်လုပ်ရပ်များကို အစိုးရရှေ့နေများက စာမျက်နှာ ၈၄၈ မျက်နှာဖြင့် တင်ပြလာပြီးနောက် သက်သေဖျောက်ဖျက်လိုက်မည်ကိုစိုးရိမ်သဖြင့် ၎င်းကိုဖမ်းဝရမ်းထုတ်ရန် ဆိုးလ်ဗဟိုခရိုင်တရားရုံးက ခွင့်ပြုလိုက်ခြင်းဖြစ်ပါတယ်။
#News

*

မန္တလေးငလျင်ကြီးလှုပ်ခတ်ပြီးနောက် ရှေးဦးပြန် လည်ထူထောင်ရေးလုပ်ငန်းများအတွက် နိုင်ငံတော်မှ ငွေကျပ်(၃၄၀)ဘီလီယံကျော်သုံးစွဲပြီးဖြစ်သည်ဟု အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီက အသိပေးခဲ့ပါတယ်။

မန္တလေးငလျင်ကြီးစတင်ဖြစ်ပွားသည့်နေ့မှစ၍ ၂၀၂၅ ခုနှစ်၊သြဂုတ် ၁၁ ရက်အထိ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေမှ ငလျင်ဒဏ်သင့်သူများ တိုက်ရိုက်အကျိုးခံစားခွင့်ရရှိစေမည့် အရေးပေါ်စားနပ်ရိက္ခာများထောက်ပံ့မှုအတွက် ငွေကျပ်(၄၂ ဒသမ ၀၉၄)ဘီလီယံကျော်၊သေဆုံးသူများ၏ မိသားစုများအားထောက်ပံ့မှုအတွက် ငွေကျပ်(၄ဒသမ၇၃၃)ဘီလီယံကျော်၊ဒဏ်ရာရသူများအတွက် ငွေကျပ်(၀ ဒသမ ၁၇၅)ဘီလီယံသုံးစွဲပြီးဖြစ်ပါတယ်။

နေအိမ်များပြန်လည်တည်ဆောက်ရန် ငွေကျပ် (၁၆၀၅ ဒသမ ၅၇၁)ဘီလီယံကျော်ကိုလည်း ထောက်ပံ့ထားသည့်အပြင် ရှေးဦးပြန်လည်ထူထောင်ရေးလုပ်ငန်းများအတွက် ငွေကျပ်(၃၄၀)ဘီလီယံကျော်ကိုသုံးစွဲပြီးဖြစ်ကာ ပြည်တွင်း/ပြည်ပမှလှူဒါန်းသည့် စားသောက်ကုန်နှင့်လူသုံးကုန်ပစ္စည်းများကိုလည်း ငလျင်ဒဏ်သင့်ဒေသများသို အချိန်နှင့်တစ်ပြေးညီဖြန့်ခွဲထောက်ပံ့ပြီးလည်း ဖြစ်ပါတယ်။
#News

*

*

အာရပ်စော်ဘွားများပြည်ထောင်စု(ယူအေအီး)နိုင်ငံဆိုင်ရာ မြန်မာသံအမတ်ကြီး ဦးကျော်ကျော်မင်း သည် ယူအေအီးနိုင်ငံ၊ နိုင်ငံခြားရေးဝန်ကြီးဌာနမှ လက်ထောက်အတွင်းဝန် (သံတမန်ရေးရာ) H.E. Saif Abdulla Alshamisi ၁၂-၈-၂၀၂၅ ရက် ၊ ၁၁၀၀ နာရီအချိန်က သွားရောက်တွေ့ဆုံ၍ သံအမတ်ခန့်အပ်လွှာ (မိတ္တူ) ကို ပေးအပ်ခဲ့ပါတယ်။

H.E. Saif Abdulla Alshamisi က မြန်မာနိုင်ငံအနေဖြင့် အဘူဒါဘီမြို့တွင် သံရုံးအဆင့် တိုးမြှင့် ဖွင့်လှစ်ခဲ့ခြင်းအပေါ် ယူအေအီးနိုင်ငံမှ လှိုက်လှဲစွာကြိုဆိုပါကြောင်း၊ သံအမတ်ကြီးအနေဖြင့်လည်း အဘူဒါဘီ မြို့တွင် အခြေပြု၍ တာဝန်ထမ်းဆောင်မည့် ပထမဆုံးမြန်မာသံအမတ်ကြီး ဖြစ်သည့်အတွက် ဂုဏ်ယူ ဝမ်းမြောက်ပါကြောင်း၊ အဘူဒါဘီမြို့တွင် အခြေပြုလျက် နှစ်နိုင်ငံဆက်ဆံရေး တိုးမြှင့်ရေး အပါအဝင် မြန်မာနိုင်ငံသားများ၏ အရေးကိစ္စများအား အောင်မြင်စွာ ဆောင်ရွက်နိုင်စေရန် ဆုမွန်ကောင်းတောင်းအပ်ပါကြောင်း စသည်ဖြင့်ပြောကြားပါတယ်။
#News

*

*

‎PDF အဖွဲ့မှ အဖွဲ့ဝင် အမျိုးသား ၁၀၀ ဦးနှင့် အမျိုးသမီး ၄ ဦး၊ စုစုပေါင်း ၁၀၄ ဦး သည် လက်နက်ခဲယမ်း များနှင့်အတူ ဥပဒေဘောင် အတွင်းသို့ထပ်မံ အလင်းဝင်ရောက်လာကြကြောင်း သိရှိရပါတယ်။
‎
‎ယင်းတို့မှ ရှမ်းပြည်နယ် (မြောက်ပိုင်း)၊ နောင်ချိုမြို့နယ်အတွင်းမှ DPLA အဖွဲ့ဝင် အမျိုးသား ၉၀ ဦးနှင့် အမျိုးသမီး ၂ ဦး၊ NH PDF အဖွဲ့ဝင် အမျိုးသား ၃ ဦး၊ KIA အဖွဲ့ဝင် အမျိုးသား ၁ ဦး၊ ကျောက်ဆည် PDF အဖွဲ့ဝင် အမျိုးသား ၁ ဦး၊ မိုးကုတ် PDF အဖွဲ့ဝင် အမျိုးသား ၁ ဦး၊ မန္တလေး PDF အဖွဲ့ဝင် အမျိုးသမီး ၁ ဦး၊ ပင်းတယမြို့နယ်အတွင်းမှ DPLA အဖွဲ့ဝင် အမျိုးသား ၂ ဦး၊ နမ့်ဆန်မြို့နယ်အတွင်းမှ TNLA အဖွဲ့ဝင် အမျိုးသား ၁ ဦးနှင့် မိုးမိတ် မြို့နယ်အတွင်းမှ TNLA အဖွဲ့ဝင် အမျိုးသား ၁ ဦး၊ မန္တလေးတိုင်းဒေသကြီး၊ စဉ့်ကူးမြို့ နယ်အတွင်းမှ မန္တလေး PDF အဖွဲ့ဝင် အမျိုးသမီး ၁ ဦး၊ စုစုပေါင်း ၁၀၄ ဦးတို့ဖြစ်ကြောင်း သိရပါတယ်။
‎
အဆိုပါ အလင်းဝင်သူများအား မိဘအုပ်ထိန်းသူများထံ ပြန်လည်လွှဲပြောင်းအပ်နှံပွဲကို အလယ်ပိုင်းတိုင်းစစ်ဌာနချုပ်၊ ပြင်ဦးလွင်တပ်နယ်ရှိ နယ်မြေခံသင်တန်းကျောင်းမှာ ပြုလုပ်ခဲ့ပါတယ်။
#News

*

မြန်မာကောင်စစ်ဝန်ချုပ်ရုံး၊ ချုံချင့်မြိုမှ ကောင်စစ်ဝန်ချုပ် ဦးကျော်ဇေယျာလင်းသည် ချုံချင့်မြို တရုတ်အပြည်ပြည်ဆိုင်ရာ ကုန်သွယ်မှု မြှင့်တင်ရေးကောင်စီ (China Council for Promotion of International Trade_ CCPIT Chongqing Committee) မှ ဒုတိယဥက္ကဋ္ဌ Mr. Yang Xuchao အား ၁၂-၈-၂၀၂၅ ရက်တွင် ချုံချင့်မြိုရှိ CCPIT ရုံးခန်းတွင် သွားရောက်တွေ့ဆုံခဲ့ပါတယ်။
#News