أنتِ أم؟
طبعًا لازم تكوني دايمًا صبورة، مبتبتعيش، مبتزعليش، بتطبخي وبتدرسي وبتنظفي ومفيش حاجة بتوقعك!

شايفة السطر ده وصلك ضغط قد إيه وأنتِ بتقرأي الكلام بس؟!
وكأنكِ كل يوم بتتحاسبي على إنك "مش كفاية" مش زي الأمهات اللي في السوشيال ميديا، لا شكلك زيهم، ولا بيتك منظم كده، ولا بتضحكي طول الوقت!

بس اسمعي:
أنتِ أم حقيقية!
بتتوتري؟ طبيعي.
بتزعقي؟ مفهوم.
بتتعبي وبتبكي؟ دي إنسانيتك مش ضعفك!
النبي ﷺ قال: "كلكم راعٍ، وكلكم مسؤول عن رعيته" ومقالش: كلكم سوبرهيروز ولا إن الشخص المسؤول هو اللي بيرفكت! لأ المسؤول هو اللي بيجتهد وبيسعى بصرف النظر عن النتائج يا عزيزتي!

البيت مش محتاج أم مثالية، محتاج أم بتحب، بتسعى، بتحاول، وبترجع تعتذر لما تغلط.

خليكِ فاكرة:
– مش كل يوم هيمشي بنظام… بس كل يوم بتحاولي فيه، ده نصر صغير.
– ممكن تغلطي مع ولادك… واعتذارك ليهم هيعلمهم الرحمة مش الضعف.
– الراحة حقك مش رفاهية! لما ترتاحي، تقدري تعطي أكتر.
– ما تقارنيش نفسك بأم بتظهرلك ١٪ من يومها على السوشيال ميديا!

وأخيرًا أنتِ مش لوحدك، الضغط اللي بتحسيه بتحس بيه آلاف غيرك، ومهمتك إنك تحاولي مش إنك تكسبي كل المعارك.

اكتبي لنا في الكومنت:
إيه أكتر لحظة أمومة كانت صعبة عليكِ وأكبر ضغط بتحسي بيه؟؟
خلي المساحة دي سند لكل أم بتحاول 💜
#أمومة #منارة #المؤنسات